ޖާބިރު ހައްޔަރު ކުރަން ކޯޓުން އަމުރުކޮށްފި
ރައްޔިތުންގެ މަޖިލިހުގެ ކާށިދޫ ދާއިރާގެ މެމްބަރު އަދި ދިވެހި ރައްޔިތުންގެ ޕާޓީ (ޑީއާރުޕީ)ގެ ލީޑަރު އަބްދުﷲ ޖާބިރު ހައްޔަރު ކުރަން ކޯޓުން އަމުރުކޮށްފިއެވެ.
Ads by MWSC
މައުލޫމާތު ލިބިފައިވާ ގޮތުގައި ޖާބިރު ހައްޔަރުކުރަން އަމުރު ނެރުނީ އެމްޓީސީސީން ކޯޓަށް ހުށަހެޅި މައްސަލައަކާ ގުޅިގެންނެވެ.
އެމްޓީސީސީން ހުށަހަޅައިފައި ވަނީ ޑީއާރުޕީން އެމްޓީސީސީއަށް ދައްކަން އޮތް އެއް މިލިއަނަށް ވުރެ ގިނަ ރުފިޔާ ދައްކާފައި ނުވާތީ އެ ފައިސާ ހޯދުމަށެވެ.
މަޢުލޫމާތު ލިބިފައިވާ ގޮތުގައި ޖާބިރު މިވަގުތު ހުންނެވީ މާލެއިން ބޭރުގައެވެ.
މި މައްސަލައާ ގުޅޭގޮތުން ފުލުހުންގެ ބަހެއް އަދި ލިބިފައެއް ނުވެއެވެ.
Ads by Allied Insurance
