ޕާކިސްތާނުގެ އެހީގައި މުލީގައި އަޅާ ކޮމިއުނިޓީ ސެންޓަރުގެ ބިންގާ އަޅައިފި
ޕާކިސްތާން ސަރުކާރުގެ އެހީގައި މުލަކަތޮޅު މުލީގައި އަޅާ ކޮމިއުނިޓީ ސެންޓަރުގެ ބިންގާ އަޅައިފިއެވެ.
ޕާކިންސްތާނު ސަރުކާރުގެ އެހީގައި މުލަކަތޮޅު މުލީގައި އިމާރާތްކުރާ ކޮމިއުނިޓީ ސެންޓަރު އެޅުމަށް އެ ޤައުމުން ވަނީ 26،21400 ރުފިޔާގެ އެހީ، މުލަކަތޮޅު ކައުންސިލާ ހަވާލުކޮށްދެއްވައިފައެވެ.
އެ ކޮމިއުނިޓީ ސެންޓަރުގެ ބިންގާ އަޅުއްވައިދެއްވީ ޕާކިސްތާން ސަރުކާރުން ރާއްޖެއަށް ކަނޑައަޅުއްވައިފައި ހުންނަވާ ސަފީރު އެޑްމިރަލް(ރިޓަޔަރޑް) އަތަރު މުޚުތާރާއި މުލަކަތޮޅު ކައުންސިލްގެ ރައީސް މުޙައްމަދު ނިމާލްއެވެ.
މުލަކަތޮޅު ކައުންސިލްގެ ރައީސް ވަނީ ޕާކިސްތާނު ސަަރުކާރުން ދެއްވި އެހީއަށް ޝުކުރު އަދާކުރައްވައި އަތޮޅުގެ ތަރައްޤީއަށް މި ފަދަ ސެންޓަރެއްގެ މުހިންމުކަން ފާހަގަކުރައްވައިފައެވެ.
އެ ސެންޓަރަށް ނަން ދީފައިވަނީ "ޤާޢިދޭ އަޢުޒަމް މުޙައްމަދު ޢަލީ ޖިނާހް މެމޯރިއަލް ޕާކިސްތާން-މޯލްޑިވްސް ކޮމިއުނިޓީ ސެންޓަރ"ގެ ނަމުންނެވެ.
