ކޮވިޑް-19: 27 ރަށެއް އަދިވެސް މޮނިޓަރިންގައި!
ކޮވިޑް-19 ވޭދަނަތައް މުޖުތަމައު ތެރެއަށް ފެތުރި މޮނިޓަރިންއަށް ލައިފައިވާ ރަށްރަށުގެ އަދަދު 27އަށް އަރައިފިއެވެ.
ހެލްތު ޕްރޮޓެކްޝަން އެޖެންސީގެ އެންމެ ފަހުގެ ކޮވިޑް މައުލޫމާތުތައް ދައްކާގޮތުން މިހާރު މޮނިޓަރިންއަށް ލައިފައިވާ ރަށްރަށުގެ ތެރެއިން އެންމެ ގިނަ ދުވަހު މޮނިޓަރިންގައި އޮތީ މިދިޔަ ޑިސެމްބަރު މަހު މޮނިޓަރިންއަށް ލީ ދެ ރަށެކެވެ. އެއީ ކ. މާފުއްޓާއި ހއ. އިހަވަންދޫއެވެ.
މޮނިޓަރިންގައި މިވަގުތު އޮތް އިތުރު ރަށްރަށުގެ ތެރޭގައި ހދ. ނޮޅިވަރަންފަރު، ށ. ފުނަދޫ، ލ. ގަން، ހދ. ހަނިމާދޫ، ކ. ގުރައިދޫ، ހއ. ދިއްދޫ، ހދ. ކުޅުދުއްފުށި، ލ. ދަނބިދޫ، ށ. ކަނޑިތީމް، ވ. ކެޔޮދޫ. ގދ. ތިނަދޫ، ދ. ކުޑަހުވަދޫ ހިމެނެއެވެ.
މީގެ އިތުރުން ށ. މިލަންދޫ، ނ. މާޅެންދޫ، ބ. ކެންދޫ، ބ. ތުޅާދޫ، ރ. އިނގުރައިދޫ، ނ. ހޮޅުދޫ، ތ. ވިލުފުށި، ގދ. ފިޔޯރީ، ގދ. ހޯޑެއްދޫ، ރ. އަލިފުށި، ލ. ފޮނަދޫ، ހދ. މަަކުނުދޫ އަދި ހދ. ނޮޅިވަރަންފަރު ވެސް މިވަގުތު އޮތީ މޮނިޓަރިން ހާލަތުގައެވެ.
ރާއްޖޭގައި ކޮވިޑްގެ ހާލަތު މިދިޔަ ހަފްތާއާ އަޅާ ބަލާއިރު މިހާރު އަންނަނީ ފައްސިވާ އަަދަދު މަދު ވަމުންނެވެ. ފާއިތުވެ ދިޔަ 24 ގަޑިއިރުގެ ތެރޭގައި މުޅިޔަކު ފައްސިވެފައި ވަނީ 648 މީހުންނެވެ. އޭގެ ތެރޭގައި ހިމެނެނީ މާލެއިން ފައްސިވި 70 މީހުންނާއި އަތޮޅުތެރެއިން ފައްސިވި 485 މީހުންނެވެ. މި ބައްޔަށް ރާއްޖެއިން މުޅިއަކު ފައްސިވެފައި ވަނީ 164،229 މީހުންނެވެ.
