ބަތަލާ ކަރީނާއަށް އެންމެ ފުރަތަމަ ދިން ނަމަކީ ކޮބައިކަން އެނގޭތަ؟
ކަރީނާ ކަޕޫރަކީ އިންޑިއާގެ އިތުރުން، މުޅި ދުނިޔެއަށް ވެސް މިހާރު މަޝްހޫރު ނަމެކެވެ. އެހެން ނަމަވެސް ކަންހިނގި ގޮތަށް ކުޑަ ބަދަލެއް އައި ނަމަ، ކަރީނާއަށް މިއަދު ކިޔާނީ އެ ނަމެއް ނޫނެވެ.
ކަރީނާ މިހައިތަނަށް ގިނަ ފިލްމުތަކެއް ކުޅެފައިވާ އިރު، އޭނާގެ ވަނަން ކަމުގައިވާ "ބޭބޯ" ކިޔާ ލަވައެއްގައިވެ ސް އޭނާ ވަނީ އެކްޓް ކޮށްފައެވެ.
ތިޔައީ ކަރީނާގެ "ފޭން"އެއް ނަމަ، އޭނާއަށް އެންމެ ފުރަތަމަ ކިޔުނު ނަމަކީ ކޮބައިކަން އެނގުން މުހިންމެއް ނޫން ހެއްޔެވެ؟
ރަންދީރުއާއި ބަބީތާ ކަޕޫރަށް ކަރީނާ ލިބުނީ 198 ވަނަ އަހަރުގެ ސެޕްޓެމްބަރުމަހުގެ 21 ވަނަ ދުވަހުއެވެ. ނީތޫއާއި ރިޝީ ކަޕޫރަށް، އޭގެ ހަ ދުވަސް ފަހުން ވަނީ އެމީހުންގެ އަންހެން ދަރިފުޅު ރިދިމާ ކަޕޫރު ލިބިފައެވެ.
ރަންދީރުއާއި ރިޝީގެ ބައްޕަ ރާޖް ކަޕޫރު ބޭނުންވީ، އޭނާގެ ކާފަ ދަރިންގެ ނަންތައް ގުޅުވައިލާށެވެ. އެހެންވެ، އެ އާއިލާއަށް އޭރު ކަމުދިޔަ ނަމަކީ "ސިދިމާ"އެވެ. އެއީ ކަރީނާއަށް އެންމެ ފުރަތަމަ ދިން ނަމެވެ.
އެހެން ނަމަވެސް ކަރީނާގެ މަންމައަކަށް މި ނަމެއް ކަމަކު ނުދިޔައެވެ. އޭނާ ބޭނުންވީ ކަރީނާއަށް ބަނޑުބޮޑު ދުވަސްވަރު، އޭނާ ކިޔަމުން ދިޔަ ފޮތް، "އޭނާ ކަރިއެނާ"އާ ގުޅުވައިލައި، އަންހެން ދަރިފުޅަށް ކަރީނާ ކިޔާށެވެ.
