ރޯދަ މަހުގެ ރަސްމީ ގަޑި އިއުލާންކޮށްފި

ކުރިއަށް އޮތް ރަމަޟާން މަހާއި، ޝައްވާލު މަހުގެ ފުރަތަމަ ހަތް ދުވަހުގެ ރަސްމީ ގަޑި އިއުލާންކޮށްފިއެވެ.

Ads by Sosun Fihaara

ރައީސް އޮފީހުން މިއަދު ބުނީ ރޯދަމަހާއި، ޝައްވާލުމަހުގެ ފުރަތަމަ ހަތް ދުވަހުގެ ސަރުކާރުގެ ރަސްމީ މަސައްކަތު ގަޑިއަކީ ހެނދުނު 9:00އިން މެންދުރުފަހު 1:00އަށް ކަމުގައި ރައީސުލްޖުމްހޫރިއްޔާ މިއަދު ހަމަޖައްސަވައިފައިވާ ކަމަށެވެ.

އަދި ރަމަޟާންމަހުގެ ރަސްމީގަޑިއާއި ޝައްވާލުމަހުގެ ފުރަތަމަ 7 ދުވަހުގެ ރަސްމީ މަސައްކަތު ގަޑި މިގޮތަށް ހަމަޖެއްސެވުމާ އެކު ސަރުކާރުގެ މަސައްކަތްތައް އެ ވަގުތުތަކަށް ފައްތައިގެން ރޭވުމަށް ރައީސުލްޖުމްހޫރިއްޔާގެ އޮފީހުން ނެރުއްވި ދެންނެވުމުގައި ވަނީ އަންގަވައިފައެވެ.

ކަލަންޑަރުގައި ވާގޮތުން، މިއަހަރުގެ ރަމަޟާން މަހުގެ ފުރަތަމަ ދުވަހަކީ އަންނަ އޭޕްރީލްމަހުގެ ދެވަނަ ދުވަހެވެ.