އެކިއެކި ހުއްޖަތު ދައްކައިގެން އިންތިހާބު ފަސްކުރުމަކީ މުޑުދާރު ޢަމަލެއް: އީވާ
ވެރިކަން ކުރާ އެމްޑީޕީގެ ޗެއާޕަރސަން ކަނޑައެޅުމުގެ އިންތިހާބު ފަސްކުރުމަކީ "މުޑުދާރު" ޢަމަލެއްގެ ގޮތުގައި ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲ ސިފަކުރައްވައިފިއެވެ.
އެމްޑީޕީގެ އެތެރޭގެ އިންތިހާބު ބާއްވަން މިހާރު ހަމަޖައްސައިފައި ވަނީ އަންނަ އޭޕްރިލް މަހުގެ 16ވަނަ ދުވަހުގައެވެ.
މި އިންތިހާބު ރަމަޟާން މަހާ ދިމާވާތީ، އެ ޕާޓީގެ ޗެއާމަންކަމަށް ވާދަ ކުރައްވާ ފައްޔާޒް އިސްމާއިލްގެ ޓީމުން އެދެނީ އެހެން ތާރީޚެއްގައި އިންތިހާބު ބޭއްވުމަށެވެ. ނަމަވެސް ހަމަ އެމަގާމަށް ވާދަކުރައްވާ އިމްތިޔާޒު ފަހުމީގެ ޓީމުން ދަނީ، އިންތިހާބު ފަސްކުރުމަށް ދެކޮޅު ހަދަމުންނެވެ.
މި އިންތިހާބު ބާއްވާ ތާރީޚެއް ކަނޑައެޅުމާ މެދު ގޮތެއް ނިންމުމަށް އެ ޕާޓީގެ ޤައުމީ މަޖިލިސް ޖަލްސާގައި މިރޭ ވާހަކަ ދައްކަވަމުން އީވާ ވިދާޅުވީ އޭނާ ތާއީދުކުރައްވާ ކެނޑިޑޭޓް އިމްތިޔާޒް ފަހުމީގެ ޓީމުން ކެމްޕެއިނު ކުރައްވަނީ އިންތިހާބު ބޭއްވުމަށް ހަމަޖެހިފައި ވަނީ ރަމަޟާން މަހުގައިކަން އެނގި ތިބެ ކަމަށެވެ.
"އެތައް ކެމްޕެއިނެއް މި ޕާޓީއިން ވެރިކަމާ އެކީ އޮންނާނީ ދިވެހިރާއްޖޭގައި ކޮށްފައި. ރަމަޟާން މަހު ދަތުރުތައްކޮށް ހަމަ ހެސްކިޔައިފައި މީހުން ވޯޓު ލާން ވެސް ނެރެން މަސައްކަތް ކޮށްފައި އޮންނާނީ" އީވާ ވިދާޅުވިއެވެ.
އީވާ ވިދާޅުވީ އިމްތިޔާޒްގެ ކެމްޕެއިނުން ރަމަޟާން މަހު ވޯޓު ލާން މީހުން ނެރެވޭނެކަން ޔަގީންވާ ކަމަށެވެ.
"ވޯޓުލާން ގަޑި އަޅުގަނޑުމެންނަށް ނިންމި ދާނެ ތަރާވީސް ނަމާދުން ފައިބައިގެން ވެސް ރަނގަޅު ވަގުތެއްގައި" އީވާ ވިދާޅުވިއެވެ.
އިންތިހާބު ބާއްވާނެ ވަގުތަކާ މެދު މިރޭގެ ޖަލްސާގައި މި މަގާމަށް ވާދަކުރައްވާ ދެ ކެމްޕެއިނު ޓީމުން ވެސް ވަނީ ވަރަށް ހޫނުގަދަ ބަހުސެއްކޮށް، އެއްބަޔަކު އަނެއް ބަޔަކަށް ބަހުގެ ހަމަލާތަކެއް ވެސް ދީފައެވެ.
"އެކިއެކި ހުއްޖަތު ދައްކައިގެން އިންތިހާބު ފަސް ކުރުމަކީ މުޑުދާރު ވެސް ޢަމަލެއް އަދި އަނެއް ކެނޑިޑޭޓަށް ޔަގީންކަން ގެއްލުނީމަ ގިނަ ފަހަރަށް ކުރާ ކަމެއް"
މީގެ އިތުރުން އީވާ ވިދާޅުވީ، އެމްޑީޕީގެ ޗެއާޕަރސަންކަމުގެ އިންތިހާބަކީ ކިހައި މުހިންމު އިންތިހާބެއްކަން އެ ޕާޓީގެ މެންބަރުންނަށް އެނގިވަޑައިގަންނަވާ ކަމަށެވެ. އެހެންކަމުން ރޭގަނޑު ގަޑީގައި ނުކުމެ ވޯޓުލުމަކީ އުނދަގޫކަމެއް ކަމަކަށް އެއްވެސް މެންބަރަކަށް ވެދާނެހެން ހީނުވާ ކަމަށް ވެސް އީވާ ވިދާޅުވިއެވެ.
ވގ އީވާ ކަލޭ ދެން އަނގަ ނގޅ ހިޔާ ފްލެޓްގެ ލިފްޓްތައް މައިންޓެއިން ކޮށް މައްސަލަތައް ހައްލު ކުރަން އުޅޭ. އެއޮތީ ފަސް ކޮށްފަ. ހެންވޭރު ކަޅޭ ގާތުވެސް ބުނޭ ގަދަބާރުން އިތުރު ވަގުތު ނަގައިގެން ގައްބަރު ހެދިފަ ފލއރވމ ވީކޮން ކަމެއްހޭ އިންތިޚާބު އެއޮތީ ފަސް ކޮށްފައޭ ދެން ލަލާއޭ.