މާފުށީ ޖަލާ ދިމާ މޫދަށް ފުންމާލި ދިވެއްސަކު ގެނބިގެން ނިޔާވެއްޖެ

ކ. މާފުށީ ޖަލަށް ތަކެތި ވައްދަން އުޅުނުކަމަށް ބެލެވޭ މީހަކު ގެނބިގެން ނިޔާވެއްޖެއެވެ.

Ads by Sosun Fihaara

މަޢުލޫމާތު ލިބިފައިވާ ގޮތުގައި އެމީހާ ވަނީ ޖަލަށް ތަކެތި ވެއްދުމަށް ފަތައިފައި ޖަލު ހުރި ސަރަހައްދަށް އަރަނިކޮށް އެތަނުގެ ސެކިއުރިޓީންނަށް ފެނުމުން މޫދަށް ފުންމާލުމުން ގެއްލިފައެވެ. އަދި އޭނާ ހޯދަމުން ދަނިކޮށް އެސަރަހައްދުގެ ކަނޑުގެ އަނޑިން ފެނުނު އިރު އޮތީ ނިޔާވެފައެވެ.

ފުލުހުން ވިދާޅުވީ މާފުށީ ޖަލާއި ދިމާލު މޫދުގައި މީހަކު ގެބިފައިވާކަމުގެ މައުލޫމާތު ފުލުހުންނަށް ލިބުނީ ރޭ ދަންވަރު 02:22 ހާއިރު ކަމަށެވެ.

އޭނާ މޫދުން ނަގައިގެން ހެލްތު ސެންޓަރަށް ގެންދިޔައިރު ވެސް އޮތީ މަރުވެފައި ކަމަށް ފުލުހުން ވިދާޅުވިއެވެ.

އެ ހާދިސާގައި ނިޔާވެފައި ވަނީ 33 އަހަރުގެ ފިރިހެނެކެވެ.