ސުރްބީއަށް ލިބުނު އައު ލަގަބަކީ އަންހެން ރަންވީރް ސިންގް
ތަފާތު ގޮތްގޮތަށް ހެދުން އެޅުމަކީ ކޮންމެ ޤައުމެއްގެ އެކްޓަރުން ވެސް ކުރާ ކަމެކެވެ. ޚާއްސަކޮށް ޙަފްލާއަކަށްދާ ނަމަ، މި ފަދަ ތަފާތު ޑިޒައިންތަކުގެ ހެދުންތައް ވަރަށް ގިނައިން އަޅައެވެ. ގިނަ ފަހަރަށް އެ ފަދަ ތަރިން ލައިގެން ހުންނަ އެ ކަހަލަ ހެދުންތަކަށް ތައުރީފްގެ ބަދަލުގައި ލިބެނީ ފާޑުކިޔުމެވެ.
އިންޑިއާގެ ކުޅަދާނަ އެކްްޓްރެސްއެއް ކަމުގައިވާ ސުރްބީ ޗަންދަނާ ލައިގެން ހުރި ހެދުމުގެ ސަބަބުން އެތައް ބައެއްގެ ސަމާލުކަން އޭނާއަށް ލިބިއްޖެއެވެ.
ކާމިޔާބު ސީރީޒް "އިޝްގް ބާޒް"ގެ ލީޑް ރޯލުން ފެންނަ ސުރްބީ ދާދި ފަހުން ދިޔަ އެވޯޑް ފަންކްޝަނެއްގައި ޕަޕަރާޒީން ވަނީ އޭނާގެ ވަށައިލައި ފޮޓޯ ނަގައިފައެވެ.
ހުދު ކުލައާއި ގަދަ އޮރެންޖު ކުލައެއްގެ ހެދުމެއް ލައިގެން ސުރްބީ ހުރުމުން އޭނާއަށް ވަނީ އެތައް ބަޔަކު ފާޑު ކިޔައިފައެވެ. އަދި ސުރްބީއަކީ އަންހެން ރަންވީރް ސިންގް ކަމަށް ވެސް ބައެއް މީހުން ބުނެފައި ވެއެވެ.
ސުރްބީ އެންމެ ފަހުން ފެނިފައި ވަނީ "ނާގިން 5"އިންނެވެ. އެކްޓިންގ ދާއިރާއާ ސުރްބީ ގުޅިފައި ވަނީ 2009 ވަނަ އަހަރުން ފެށިގެންނެވެ.
