ޓޫރިޒަމް މިނިސްޓްރީގެ ސްޓޭޓަކަށް އިބްރާހީމް ރަޝީދު އައްޔަންކޮށްފި
މިނިސްޓަރ އޮފް ސްޓޭޓް ފޮރ ޓޫރިޒަމްގެ މަގާމަށް، ބޭފުޅަކު އައްޔަންކުރައްވައިފިއެވެ.
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މިނިސްޓަރ އޮފް ސްޓޭޓް ފޮރ ޓޫރިޒަމްގެ މަގާމަށް އައްޔަންކުރެއްވީ އދ.މާމިގިލި، ރަންގިރިޓީގެ އިބްރާހީމް ރަޝީދު އަބޫބަކުރެވެ.
އިބްރާހީމް ރަޝީދު އަބޫބަކުރު ވަނީ ގްރޭޓަރ މާލެ އިންޑަސްޓްރިއަލް ޒޯން ލިމިޓެޑްގެ މެނޭޖިންގ ޑިރެކްޓަރގެ މަޤާމާއި މިނިސްޓަރ އޮފް ސްޓޭޓް ފޮރ ހޯމް އެފެއަރޒްގެ ނައިބުގެ މަޤާމާއި މެދު އުތުރު ސަރަޙައްދުގެ ޤައުމީ އިދާރާގެ ސްޓޭޓް ސެކްރެޓަރީގެ މަޤާމާ ޕްރައިވެޓް ސެކްޓަރގެ އެކިއެކި މަޤާމުތައް ފުރުއްވައިފައެވެ.
އިބްރާހީމް ރަޝީދު އަބޫބަކުރު ތަައުލީމް ހާސިލް ކުރައްވައިފައި ވަނީ އިނގިރޭސި ވިލާތުގެ ބޯލްޓަން ޔުނިވަރސިޓީންނެވެ. އޭނާ ވަނީ އެ ޔުނިވަރސިޓީން އެމް.ބީ.އޭ ހާސިލުކުރައްވައިފައެވެ.
އިބްރާޙިމް ރަޝީދާ އެކު މިނިސްޓްރީ އޮފް ޓޫރިޒަމްގެ ސްޓޭޓް މިނިސްޓަރުންގެ ގޮތުގައި މި ވަގުތު ތިއްބަވަނީ ދެ ބޭފުޅުންނެވެ. ދެން ހިމެނިވަޑައިގަންނަވަނީ އަޙުމަދު ޞާލިޙެވެ.
