އިންޑިއާއިން ރާއްޖެ ގެނައި ގަސްކާނާ ޝިޕްމެންޓަކުން 17 ކިލޯގެ ޑްރަގް އަތުލައިގެންފި
އިންޑިއާއިން ރާއްޖެ ގެނައި ގަސްކާނާ ޝިޕްމެންޓަކުން 17 ކިލޯގެ ޑްރަގް ކަސްޓަމްސްއިން އަތުލައިގެންފިއެވެ.
ކަސްޓަމްސްއިން ބުނީ އިންޑިއާގެ ޓްރިވެންޑްރަމުން ރާއްޖެ އައިސްފައިވާ އެއާރކާގޯ ޝިޕްމަންޓެއްގައި މަސްތުވާތަކެތި ފޮރުވައިފައި ހުރިކަމަށް ކަސްޓަމްސްއަށް ޝައްކުކުރެވިގެން، 20 މާރިޗު 2022ވަނަ ދުވަހު ކަސްޓަމްސްއިން އެ ޝިޕްމަންޓް އިތުރަށް ބަލައިފާސްކޮށްފައިވާ ކަމަށެވެ.
އެގޮތުން ބަލައި ފާސްކުރެވުނު ޝިޕްމަންޓް ކަސްޓަމްސްއަށް ޑިކްލެއަރކޮށްފައި ވަނީ "އޯގަނިކް ފާރޓިލައިޒަރ"ގެ ގޮތުގައި ކަމަށާއި އެ ޝިޕްމަންޓުގައި ހުރި "އޯގަނިކް ފާރޓިލައިޒަރ" ޕެކެޓްތަކުގެ ތެރެއިން މަސްތުވާތަކެތިކަމަށް ޝައްކުކުރެވޭ ތަކެތި ފެނިފައިވާ ކަމަށެވެ.
ކަސްޓަމްސްއިން ބުނީ ފުރަތަމަ މަރުހަލާގައި މި ތަކެތި ތަހުލީލުކުރުމުން، މަސްތުވާތަކެތީގެ ބާވަތެއް ކަމަށްވާ ކެނެބިސް (ހަޝިޝް އޮއިލް)އަށް ޕޮޒިޓިވްވެފައިވާ ކަމަށާއި މިމައްސަލައިގައި އަތުލައިގަނެވުނު މަސްތުވާތަކެތީގެ މަގުމަތީ އަގު 13،600،000.00 (13 މިލިއަން ހަލައްކަ) ރުފިޔާއަށް އަރާ ކަމަށެވެ.
މިމައްސަލައިގައި ކަސްޓަމްސްއިން ހޯދާފައިވާ 17 ކިލޯގެ މަސްތުވާތަކެތި މޯލްޑިވްސް ޕޮލިސް ސަރވިސްއާ ހަވާލު ކުރެވިފައިވާ ކަމަށާއި އެސަރވިސްއިން ހިންގި ޚާއްސަ އޮޕަރޭޝަނެއްގައި 4 މީހެއް ބެލުމުގެ ދަށަށް ގެންގޮސްފައިވާ ކަމަށެވެ.
ކިހިނެއްތޯ އަގު ކަނޑައަޅަނީ
ކަސްޓަމުސްގެ ަޮފިސަރުންގެ ހުވާމަތިން ހަދާންކުރާތަން މިފެންނަނީ އަބަދުވެސްއާކުރޭ؟ރައީސްސޯލިހުގެ ސަރުކާރުން އޮފިސަރުންނައް މަގާމުގެކުރިއއރުންލިބުނުފަދައިން ރައީސްގެ ވައުދުފުަލެއް ކަސްޓަމުގެ އޮފިސަރުންގެ ބޯހިޔާވަހިކަން އިރާދަކުރެއްވިޔާ މިދައު ނިމުމުގެކުެިން މިކަންހަމަޖޭނެކަންއޮފިސަރުންޔަގީންކުރަން؛