"އިންޑިއާ އައުޓް" ހަރަކާތް ސަރުކާރުން ނުހުއްޓުވޭ ސަބަބެއް ނުވިސްނޭ: އީވާ
އިންޑިއާއާ ދެކޮޅަށް އިދިކޮޅު ފަރާތްތަކުން ހިންގާ "އިންޑިއާ އައުޓް" ހަރަކާތް ސަރުކާރަށް ނުހުއްޓުވޭ ސަބަބެއް ނުވިސްނޭ ކަމުގައި ރައްޔިތުންގެ މަޖިލީހުގެ ނައިބް ރައީސް އަދި ގަލޮޅު އުތުރު ދާއިރާގެ މެމްބަރު އީވާ ވިދާޅުވެއްޖެއެވެ.
އީވާ މިފަދައިން ވިދާޅުވީ އިދިކޮޅު ފަރާތްތަކުން ވެރިރަށް މާލޭގައި ބާއްވަން އުޅޭ އެއްވުން ހުއްޓުވުމަށް ގޮވައިލައްވައި، ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު މިއަދު ހުށަހެޅުއްވި ކުއްލި މައްސަލައަށް ބަހުސް ކުރައްވަމުންނެވެ.
އީވާ ވިދާޅުވީ ޕީޕީއެމުން ހިންގާ “އިންޑިއާ އައުޓް” ހަރަކާތަކީ އެއްވެސް ގޮތަކަށް ބަލައިގަނެވޭނެ ހަރަކާތެއް ނޫން ކަމަށެވެ. އަދި އެއީ ހުއްޓުވަން ޖެހޭ ކަމެއް ކަމަށާއި އިންޑިއާއާ ދޭތެރޭގައި އެފަދަ ވާހަކަތައް ދައްކަމުން ރާއްޖޭގެ އެކި ރަށްރަށުގައި ކުރަމުން ގެންދާ ކެމްޕެއިނަކީ ސިޔާސީ ބޮޑު ފިތުނައެއް ކަމަށް އީވާ ވިދާޅުވިއެވެ.
މީގެ އިތުރުން އީވާ ވިދާޅުވީ އެ ކެމްޕެއިނަކީ އެއްވެސް ހާލެއްގައި ޕީޕިއެމް މެމްބަރުންގެ ތެރޭގައި ނުވަތަ ދިވެހި ރައްޔިތުންގެ ތެރޭގައި “ތިރިން މައްޗަށް ރޫހެއް އުފެދިގެން “ ކުރާ މަސައްކަތެއް ނޫން ކަމަށެވެ. އަދި އެއީ ކަނޑައެޅިގެން ޕީޕީއެމްގެ ވެރިން އެމީހުންގެ ސިޔާސީ ބޭނުމަކަށް ނުވަތަ މާލީ ބޭނުމަކަށް ޓަކައި ކުރާ ކަމެއް ކަމަށެވެ.
“މިއީ ޤައުމީ ސަލާމަތަށް އޮތް ނުރައްކަލެއްކަން ފުލުހުންނާއި، ސިފައިން ބުނެފި، މިކަން ސަރުކާރަށް ހުއްޓަންޖެހޭ. މިކަން ނުހުއްޓުވެންވީ ސަބަބެއް ނުވިސްނޭ. އިންޑިއާއާ ދިމާލަށް ދިވެހިރާއްޖޭގައި އިންޑިއާ އައުޓްއޭ ގޮވަގޮވާ ތިއްބާ އިންޑިއާއިން ނިކުމެ މޯލްޑިވްސް އައުޓްއޭ ބުނެފިއްޔާ ދެން ކިހިނެއް ތޯ އަޅުގަނޑުމެން ހަދާނީ” އީވާ ވިދާޅުވިއެވެ.
އީވާ ވިދާޅުވީ ރާއްޖެއަށް ދިމާވި ބޮޑެތި ހާދިސާތަކުގައްޔާއި އެންމެ ދަތި ދުވަސްތަކުގައި ވެސް އެންމެ އަވަހަށް އެހީތެރިކަން ފޯރުކޮށްދޭ ޤައުމަކީ އިންޑިއާކަމަށެވެ.
އީވާއަށް އިންޑިއާ އައުޓު ނުހުއްޓުވޭ ސަބަބު ނޭނގުނަސް މަމެންނަށް އެނގެއޭ ނުހުއްޓުވޭ ސަބަބުު ނޭނގުނަސް މަމެންނަށް އެނގޭ ނުހުއްޓުވޭ ސަބަބު، އަޑުއަހާބަލަ ނުހުއްޓުވޭ ސަބަބަކީ، އިންޑިއާ އަސްކަރީންނަކީ މިގައުމުގާ ތިބެންޖެހޭ ބައެއްނޫންވީމަ، ގާނޫނީ ގޮތުންވެސް މިކަމެއް ނުހުއްޓުވޭނެތީ އެއްގައުމެއްގެ އަސްކަރީ ބަޔަކު އެއްގައުމެއްގާ ހާލި ހަދައިގެން ނުތިބެވޭނެ ޖެހޭނީ ފައިބާން،މިބައިގަނޑެއް ވެރިކަމަށް އަރާ ކޮންމެ ފަހަރަކު މިގައުމުގެ އިސްތިގުލާލާ ކަރާމަތަށް އެތައް ގެއްލުމެއް ދީފަ ނޫނީ ނުފައިބައޭ، މީދެން ކިހާވަރުގަދަ ކަމެއްތަ،!