ނައިބު ރައީސް ފުވައްމުލަކަށް ވަޑައިގެންފި
ނައިބު ރައީސް ފައިސަލް ނަސީމް ފުވައްމުލަކަށް ވަޑައިގެންފިއެވެ.
ނައިބު ރައީސް ފުވައްމުލައް ސިޓީއަށް ވަޑައިގަތުމުން އެ މަނިކުފާނަށް މަރުޙަބާ ވިދާޅުވީ، ފުވައްމުލައް ސިޓީގެ މޭޔަރާއި އެ ސިޓީއަށް ނިސްބަތްވާ ރައްޔިތުން މަޖިލީހުގެ ބައެއް މެންބަރުންނާއި، މުއައްސަސާތަކުގެ އިސްވެރިންނެވެ.
ނައިބު ރައީސް ފުވައްމުލަކަށް ކުރައްވާ މި ދަތުރުފުޅުގައި އެ ސިޓީގެ ތަރައްޤީއަށް ސަރުކާރުން ކުރަމުން އަންނަ މަސައްކަތްތައް ބައްލަވައިލެއްވުމަށް ވަނީ ހަމަޖެހިފައެވެ.
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އެމަނިކުފާނުގެ އަނބިކަނބަލުން ފަޒްނާ އަޙްމަދު ވެސް މިއަދު މެންދުރު ފަހު ފުވައްމުލަކަށް ވަޑައިގަތުމަށް ވަނީ ހަމަޖެހިފައެވެ. ރައީސުލްޖުމްހޫރިއްޔާގެ ދެކަނބަލުންގެ ޝަރަފްފައި ފުވައްމުލަކު ރައްޔިތުން ދެއްވާ މާހެފުމެއް ފުވައްމުލަކު ފުޓްބޯޅަ ދަނޑުގައި މިރޭ ބޭއްވުމަށް ވަނީ ހަމަޖެހިފައެވެ.
Ads by STO
