ބޮންޑޭގެ ތުހުމަތެއް އިމްރާނަށާއި އަލީ ޒާހިރަށް: ރައީސް ނަޝީދަށް ދިން ހަމަލާއާ ގުޅުން އެބައޮތް
ކުރީގެ ރައީސް މުހައްމަދު ނަޝީދު އަވަހާރަކޮށްލުމަށް ރާވައި، މިދިޔަ އަހަރުގެ މެއި މަހުގެ 6ވަނަ ދުވަހު އެ މަނިކުފާނަށް ދިން ނިރުބަވެރި ހަމަލާއާ، ހޯމް މިނިސްޓަރ އިމްރާން އަބްދުﷲއާއި ރައީސް އޮފީހުގެ ޗީފް އޮފް ސްޓާފް އަލީ ޒާހިރުގެ ގުޅުމެއްވާކަމަށް މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) ތުހުމަތު ކުރައްވައިފިއެވެ.
ބޮންޑޭ އެފަދަ ތުހުމަތެއް މިނިސްޓަރ އިމްރާނަށާއި އަލީ ޒާހިރަށް ކުރެއްވީ އިމްރާނާއި ބަންޑާރަ ނައިބު ރިއްފަތު އިބްރާހިމް އިތުރުފުޅު ހައްދަވާތީ އެކަމާ ގުޅޭ ގޮތުން މިއަދު މަޖިލީހުގައި ކުރި ބަހުސްގެ ތެރެއިންނެވެ.
އެގޮތުން ބޮންޑޭ ވިދާޅުވީ މިނިސްޓަރ އިމްރާން އިތުފުޅު ހައްދަވަމުންދާ ކަމަށާއި އޭނާއަކީ ރައީސް ނަޝީދުގެ ވެރިކަން ވައްޓައިލާން "ބަޣާވާތް" ކުރުމުގައި ވެސް އިސްކޮށް އުޅުއްވި ބޭފުޅެއް ކަަމަށެވެ.
މިނިސްޓަރ އިމްރާނަށް ފާޑު ވިދާޅުވުމަށް ފަހު، ބޮންޑޭ ވަނީ މީގެ ދުވަސްކޮޅެއް ކުރިން ރައީސް އޮފީހުގެ ޗީފް އޮފް ސްޓާފް އަލީ ޒާހިރުގެ ޓްވިޓާ އެކައުންޓުން، ރައީސް ނަޝީދަށް ހަޑިހުތުރުބަހުން މުއާމަލާތު ކޮށްފައިވާކަން ވެސް ފާހަގަ ކުރައްވައިފައެވެ.
"ގޮއްވައިލި ބޮމުގެ ހާދިސާއާ އަޅުގަނޑަށް ވަރަށް ބޮޑަށް ގަބޫލުކުރެވޭ އެ ފަރާތްތަކާ ގުޅުން ހުރިކަން. ރައީސް ނަޝީދު އަވަހާރަކޮށްލަން އެ ގޮއްވައިލި ބޮން ހަމަ ސީދާ އެ ފަރާތްތަކާ ގުޅޭކަން އަޅުގަނޑަށް ވަރަށް ބޮޑަށް ކަށަވަރުވެއްޖެ" މިނިސްޓަރ އިމްރާނާއި އަލީ ޒާހިރުގެ ޝަކުވާ ކުރެއްވުމަށް ފަހު ބޮންޑޭ ވިދާޅުވިއެވެ.
ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިތުރަށް ވިދާޅުވީ މިއީ ވަަރަށް ސީރިއަސް މައްސަލައެއް ކަމަށާއި ހާއްސަކޮށް ރައްޔިތުންގެ ބޭރު ދޭން ކެނޑިނޭޅި ރައީސް ނަޝީދު މަސައްކަތް ކުރައްވަމުންދާ އިރު ގައުމީ މަޖިލިސް މިހާރު އޮތީ ހިސާރުކޮށްފައި ކަމަށާއި އަދި ރައްޔިތުންގެ މަޖިލިސް ވެސް އޮތީ ސަރުކާރުގެ އަތް ދަށަށް ގެނެސްފައި ކަމަށެވެ.
ތި އިމްރާން ތީ މިސަރުކާރުވެސް ވައްޓާލަން ނުކުންނާނެ މީހެއް ދޮގުވެރިއެއް ކެހިވެރިއެއް ވހުޝީ މީހެއް އަނިޔާވެރިއެއް ފާޅުގާ ވެރިކަންވައްޓާލާނެ ކަމަށް ގޮވި މީހަކު މިހާރު އެ ބުނަނީ އަޅުގަނޑު ނޫޅެން ރނަޝީދުގެ ވެރިކަން ވައްޓާލާކަށް، އެކަމު ކީއްތޯ ކުރާނީ ވެރިކަން ބޭނުންވިލެއް ބޮޑުކަމުން އަދުއްވުންނެއް ޢައްދާރުންނެއް ނުބަލާ އެތެރެ ކޯލަށް އަތުފަތު ނޭޅި ވެއްދީ ވިއްޔަ ދެން ޖެހޭނީ ހަމަ އެއްސުފުރާމަތީގަ ކާންދޭން ވިއްޔަ، ކިތަންމެ ބޮޑު ބޮމަކަށް އަވަހާރަގަނޑުވަރުތެރެއަށް ވެސް ލާން ޖެހޭނީ ގޮއްވާލާނެކަން އެނގޭހާލުގާވެސް ސިހިސިހި ތިބޭންތާ ޖެހޭނީ، ތިކިއާ އިމްރާން ރައިއްޔަތުންނަށް އެމްޑޕީގެ ނުބައި ތަސައްވަރުތައްވެސް ދިނީ ރައިއްޔަތުން ފާކުރީވެސް އިމްރާނެކޭ ސުލައިމާނުގެ ފާނު ގެންގުޅުއްވި ރާމާމަކުނޭ ބިރުވެރިކަމުގައާ ސުންޕާ ކަމުގާ ތަފާތެއް ނެތް، ތި އަލީޒާހިރަކީވެސް ހަމަ އިމްރާނުގެ މޭސްތިރި ކަމުގާ ތައްޔާރު ކޮށްފާ ހުރި މީހެއް ވަކި މީހެއް ނޫން އަދާލަތުގާ ސަހަލު މީހަކު ނޫޅޭނެ، މިހާރު ދެން މާ ތިއްތި ބަޔަކަށް ވެގެން ކޯލިސަން ފޮތިގަނޑުދޮށަށް ވަދެގެން ތިއްބަކަސް ފެހިކެއީހަމަ އެއްގަލުން ކޯލީސަން އުފެއްދީވެސް ހަމަ ވަކި މީހަކާ އޮތް ހަސަދައެއްގެ ތެރެއިން އަނިޔާވެރި ވުމަށް އެކަމުގެ ހިތިރަހަ މިހާރު ކަރުބުޑުގާ ތި ލަނީ،
ދެން ރނަޝީދު މައްސަލަ އެ ބުނާހެން ކީއްވެތަ މިހާ ދުވަސއތަކެއްވާއިރުވެސް ނުބެލިގެން އެ އުޅެނީ، ގައުމުގާ އޮތިއްޔާއޮތްހާ ބާރެއް އޮތީ އެމްޑީޕީގަ އެކަމަކު ވެސް އެއްމެ ކުޑަމިނުން ފަންޑު ކުރި މީހެއްވެސް ތުހުމަތު ކޮށެއް ނުލެވުން، ވަރަށް ވެސް ހަމަ ހީވާ ކަމެއްތީ މި ސަރުކާރު ތެރެއިން ކޮށްގެން އުޅޭ ކަމަކަށް ރނަޝީދު ދަރިފުޅު މީރާވެސް އެއްނެ ފުރަތަމަ ދުވަހު ބުނީ މިސަރުކާރުން ކޮށްގެން އުޅޭ ކަމަކަށް ގައިމު ކޮންމެވެސް ކަމެއްވެތާ….