ކޮވިޑްގެ ހާލަތުގައި ވެސް ހޮސްޕިޓަލުތައް ބަންދު ނުކުރީތީ ޝުކުރުވެރިވާން ޖެހޭ: މަވޯޓާ
ކޮވިޑް-19ގެ ހާލަތުގައި އިގްތިސާދު ހީނަރުވުމުގެ ސަބަބުން، ސަރުކާރުން ހޮސްޕިޓަލުތައް ބަންދުނުކޮށް ރައްޔިތުންނަށް ހިދުމަތް ދިނުމަކީ ޝުކުރުވެރިވާން ޖެހޭ ކަމެއް ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފު (މަވޯޓާ) ވިދާޅުވެއްޖެެެއެވެ.
އެތައް ބަޔަކު ހިދުމަތް ހޯދަމުން އަންނަ ލ.ގަމު ރީޖަނަލް ހޮސްޕިޓަލުގެ ހިދުމަތުގެ ފެންވަރު ރަނގަޅު ކުރުމަށް ގޮވައިލައި މަޖިލީހަށް ހުށަހެޅި މައްސަލައަށް ބަހުސް ކުރައްވަމުން ޝަރީފު ފާޑުވިދާޅުވީ ކުރީ ސަރުކާރުތަކަށެވެ. އޭނާ ވިދާޅުވީ ސިއްހީ ހިދުމަތުގެ ފެންވަރު ދަށް ވާހަކަ މިއަދު ދައްކަން ޖެހެނީ ކުރީ ސަރުކާރުތަކުން އެކަންކަން ކޮށް ނުދީ ހުރުމުން ކަމަށެވެ.
އޭނާ ވިދާޅުވީ ކަންކަން ގޯސް ވާހަކަ ދައްކާއިރު، ކޮވިޑް-19އާ ގުޅިގެން ރާއްޖޭގެ އިގްތިސާދު ހީނަރުވެފައިވާ މިންވަރާއި ފަތުރުވެރިން އައި މިންވަރު ވެސް އެވާހަަކަ ދައްކާ ފަރާތްތަކަށް ނޭނގެނީ ކަމަށެވެ. އަދި ކުރީ ސަރުކާރުތަކުން ސިއްހީ ދާއިރާއަށް ދިމާވެފައިވާ މައްސަލަތައް ހައްލު ކުރިނަމަ، މިއަދު އެ ދާއިރާއަށް ދިމާވެފައިވާ މައްސަލަތައް ހައްލު ކުރުމުގެ ވާހަކަ ދައްކަން ނުޖެހުނީސް ކަމަށް ވެސް ވިދާޅުވިއެވެ.
ޝަރީފު ވިދާޅުވީ ސަރުކާރުން ރާއްޖޭގެ ރައްޔިތުން ކޮވިޑްގެ ބަލިމަޑުކަމުން ހިމާޔަތް ކުރުމަށް ކުރި މަސައްކަތާ އެކަމަށް ދިޔަ ހަރަދުގެ ސަބަބުން އެހެން ދާއިރާތަކަށް އިންވެސްޓު ކުރަން ދަތިވި ކަމަށެވެ.
"މި ހާލަތުގައި ވެސް ރާއްޖޭގެ ރައްޔިތުން ބަނޑަށް ނުޖައްސައި، ހޮސްޕިޓަލުތައް ބަންދުނުކޮށް، ހޮސްޕިޓަލުތަކުން ދޭ ހިދުމަތުގެ ފެންވަރު ރަނގަޅުވާ ގޮތަށް ކަން ކުރުމަކީ، މިއަދު އަޅުގަނޑުމެން އެންމެން ސަރުކާރަށް ޝުކުރު ހައްގު." އޭނާ ވިދާޅުވިއެވެ.
އޭނާ އިތުރަށް ވިދާޅުވީ ސިއްހީ ދާއިރާގެ ގިނަ ހިދުމަތްތައް، މި ސަރުކާރު ހަވާލުވީ އިރު ހުރީ ގޯސްކޮށް ކަމަށެވެ.
ކޮބައި ޓުރަސަ އައި ލެންޑުގެ ނުހައްގުންހޯދިފައިސާތައް؟؟ސްޕުރީމުކޯޓުގެ ފަޑިޔާރުން މަދުކުރަން ހުށައެޅިބިލައް ލބުނީ ކިހާވަރެއްތަ؟ނަސީބުތާ ހަމަޔައް އަތްފާހުރިކަން؟؟؟،