މާލޭ ރައްޔިތުންނަށް ދޫކުރާ ގޯތިތަކަށް ކުރިމަތިލުމަށް ޖޫންމަހު ހުޅުވާލަނީ
މާލޭގެ ރައްޔިތުންގެ ބޯހިޔާވަހިކަން ކަށަވަރުކުރުމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު ޢިއުލާންކުރައްވައިފައިވާ ގޯތިދޫކުރުމުގެ މަޝްރޫއަށް ކުރިމަތިލުމަށް އަންނަ ޖޫންމަހުގެ ތެރޭގައި ހުޅުވައިލާނެކަމަށް ސަރުކާރުން ހާމަކުރައްވައިފިއެވެ.
ހައުސިންގ މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުއްދީން ވިދާޅުވީ މާލޭގެ ރައްޔިތުންނަށް ބޯހިޔާވަހިކަން ހޯދައިދިނުމުގެ މަޝްރޫޢުގެ ދަށުން ގޯތި ދޫކުރުމަށް ހުޅުވައިލައި އެކަން އަންނަ ޖޫން މަހުގެތެރޭގައި ރައީސް ޞާލިޙް ޢިއުލާންކުރައްވާނެ ކަމަށެވެ.
މާލޭގެ ރަށްވެހިންނަށް ގޯތި ދިނުމަށް ނިންމައިފައިވާ ނިންމުމަށް އަމަލީ ސިފަ ގެނައުމުގެ ގޮތުން، ހުޅުމާލެއާއި، ގުޅީ ފަޅުންނާއި، ގިރާވަރު ފަޅުން ގޯތި ދޫކުރުމަށް ނިންމައިފައިވާކަމަށް ރައީސް ޞާލިޙް ވިދާޅުވެފައި ވަނީ މިއަހަރުގެ ރިޔާސީ ބަޔާނުގައެވެ.
މާލޭގެ ރައްޔިތުންނަށް ކުރިމަތިވެފައިވާ ބޯހިޔާވަހިކަމުގެ މައްސަލަ ހައްލު ކުރުމުގެ ގޮތުން، ހުޅުމާލެއިން މަދުވެގެން 1،000 ގޯއްޗާއި، ގުޅިފަޅުން މަދުވެގެން 2،000 ގޯތި ދޭން ވަނީ ނިންމައިފައެވެ.
މީގެ އިތުރުން ގިރާވަރު ފަޅު ހިއްކައި އެ ބިމުން ވެސް މަދުވެގެން 2،000 ގޯތި މާލޭގެ ރަށްވެހިންނަށް ދޫކުރައްވާނެކަމަށް ވެސް ރައިސް ސާލިހު ވިދާޅުވިއެވެ.
ޢަނެއްކާ ކޮންކަހަލަ ޝަރުތު ތަކެއްބާ އަ ންނާނީ