ހަށީގައި ލޭހިނގާހާ ހިނދަކު އެމްޑީޕީ ބައިބައި ވިޔަކަ ނުދޭނަން: އިންތި
ވެރިކަން ކުރާ މައި ޕާޓީ އެމްޑީޕީ ބައިބައިކޮށްލަން ބަޔަކު އުޅޭތަން ފެންނަމުންދާ ކަމަށާއި ހަށިގަނޑުގައި ލޭހިނގާހާ ހިނދަކު އެވަރުގެ ކަމެއް ވިޔަކަ ނުދޭނެ ކަމަށް އިމްތިޔާޒް ފަހުމީ (އިންތި) ވިދާޅުވެއްޖެއެވެ.
އިންތި މިފަދައިން ވިދާޅުވެފައި ވަނީ އެމްޑީޕީ ޗެއާޕާސަން އިންތިޚާބުގެ ކެމްޕެއިނަށް ށ.އަތޮޅު ބިލެތްފައްސަށް ވަޑައިގެން އެމްޑީޕީގެ މެމްބަރުންނާ ބައްދަލު ކުރައްވައި ދެއްކެވި ވާހަކައިގައެވެ.
އިންތި ވިދާޅުވީ ޗެއާޕާސްން އިންތިޚާބަކީ އެމްޑީޕީގެ މުސްތަގްބަލާ ވަރަށް ބޮޑަށް ގުޅިފައި އޮތް އިންތިހާބެއް ކަމަށާއި ރައްޔިތުން މިހައިހިސާބަށް އާދެވުނީ ވަރަށް އަނިޔާވެރި ދުވަސްތައް ކަޑައްތު ކޮށްފައި ކަމަށެވެ. އަދި މި ޕާޓީއަކީ ރައްޔިތުން ވަރަށް ބޮޑަށް ލޯބިވާ ޕާޓީއެއް ކަމަށް އިންތި ވިދާޅުވިއެވެ.
“އަޅުގަނޑުމެންގެ މި ޕާޓީގެ މުސްތަަގްބަލާ ވަރަށް ބޮޑަށް ގުޅިފައި އޮތް އިންތިޚާބެއް ޗެއާޕާސަން އިންތިހާބަކީ. ތިޔަ ބޭފުޅުން ލޯބިވާ ޕާޓީ އެމްޑީޕީއަކީ. ތިބޭފުޅުން ވަރަށް ބޮޑެތި ގުރުބާނީތަކެއް ވެ ވަޑައިގެން މިހާހިސާބަށް މި އާދެވުނީ”
އިންތި ވިދާޅުވީ މިވަގުތު ފެންނަމުން ދަނީ ޕާޓީ ދެބައި ކޮށްލަން ބަޔަކު މަސައްކަތް ކުރަމުންދާތަން ކަމަށާއި އެކަމަކީ ބަލައިގަނެވޭނެ ކަމެއް ނޫން ކަމަށެވެ. އަދި ޕާޓީއާ ގުޅިވަޑައިގަތުމަށް ފަހު ޕާޓީ ދެފަޅި ކޮށްލަން ބަޔަކު މަސައްކަތް ކުރާތަން ފެނިގެން ދިޔުމަކީ ވަރަށް ހިތާމަކުރާ ކަމެއް ކަމަށާއި އެކަން އެހެން ވިޔަކަ ނުދޭނެ ކަމަށް އިންތި ވިދާޅުވިއެވެ.
“މިވަގުތަކީ އަޅުގަނޑުމެން އެންމެ ހިތްހަމަ ޖެހޭ ވަގުތެއް ނޫން. އެންމެ ދެރަ މައްސަލައަކީ ޕާޓީ ދެބައި ކުރުމަށް ބަޔަކު އުޅޭތީ. މާ ފަހުން އަޅުގަނޑުމެންނާ ގުޅިފައި މާ ނުރައްކާ ކަމެއް ކުރަން އުޅޭތަން ފެންނަނީ. އަޅުގަނޑުމެންނަށް މައްސަލައެއް ނެތް ފަހުން ފަހުން އަދި ގުޅިވަޑައިގަތަސް އަދި ހަމަ އެންމެންނަށް ވެސް މަރުހަބާ. އެހެން ނަމަވެސް އަޅުގަނޑުމެންނާ ގުޅިވަޑައިގަތުމަށް ފަހުގައި ޕާޓީ ދެފަޅި ކޮށްލަން ބަޔަކު މަސައްކަތް ކުރާތަން ފެނިގެން ދިޔުމަކީ އަޅުގަނޑުމެން ވަރަށް ކަންބޮޑުވާ ކަމެއް. އަޅުގަނޑުމެން އިރާދަކުރެއްވިއްޔާ ހަމަހޭގައި ހުރެގެން ހަށީގައި ލޭހިނގާހާ ހިނދަކު އެވަރު ކަމެއް ވިޔަކަ ނުދޭނަން”
އިންތި ވިދާޅުވީ، ތަރައްޤީއާ ގުޅެނީ އެމްޑީޕީއަށް ރަނގަޅު ޗެއރަޕާސަނެއް ހޮވައިގެންކަމަށާއި، ކުރިއަށް އޮތް އިންތިޚާބުތައް ކާމިޔާބު ކުރެވޭނީ އޭރުންކަމަށެވެ. އަދި “މިއީ ވައްކަން ވަރިހަމަ ޕާޓީއެއް ނޫން” ކަަމަށް އިންތި ވިދާޅުވިއެވެ.
ި ި އިންތިބަލިގަބޫލުކޮށްފި
“އަދި “މިއީ ވައްކަން ވަރިހަމަ ޕާޓީއެއް ނޫން” ކަަމަށް އިންތި ވިދާޅުވިއެވެ.”
ތިޔައީ އެންމެނަށް ހާމަވާންއޮތް ބޮޑު ދޮގެއް. މިއަށް ވުރެ ކަރަޕްޝަން ބޮޑު ސަރުކާރެއް ނާދޭ. ކޮންމެ ޕްރޮޖެކްޓެއްގެ ހަތަރު ފަސް ބައި އެޅިގެން ދޭ. ހުރިހާ މަގާމުތަކަކުން ހުރިހާ ފަންތިއަކުން ތިމާގެ ޖީބައް ބޮޑުބައެއް ވަންނާނީ ކޮންގޮތަކުންތޯ ބަލަނީ.
މިހާތަނަށް ހެދި އެންމެބޮޑު ބަޖެޓްނެގި، ކޮވިޑްގެ ހާލަތާއިގުޅިގެން ލިބުނު ހުރިހާފައިސާ ތިމާމެންގެ ޖީބުތަކަށް، ގެނެވުނު ތަރައްޤީއެއް ފެންނާކަށް ނެތް. ހުރިހާ ފައިސާއެއް ހުސްވީމާ ކޮވިޑްއޭ ކިޔުންނޫން ކަމެއްނެތް.
… ދެން ގޯތިގެދޮރު ގެ ޕުރޮޖެކްޓްތައް ކޮންޓްރެކްޓަރ ފައިނޭންސްގެ އުސޫލުން އަޅަމުން ގެންދަނީ. މިހާތަނަށް އެޅުނީ އެންމެ އުސްކޮށް 4 ބުރީގެ އިމާރާތް. ރައީސް މައުމޫނުގެ ދައުރުގައިވެސް 4 ބުރީގެ އިމާރާތް އަޅާއުޅުނު. އެއްވެސް ކަމެއްގައި ތެދުވެރިކަމެއް އިހުލާސްތެރިކަމެއް ނެތް.