ފުވައްމުލަކު ސިޓީގައި ބޭއްވި ފުރަތަމަ އިޙްޔާ ފޯރަމް ޝަރަފްވެރިކޮށްދެއްވީ ނައިބު ރައީސް
ރާއްޖޭގެ އެކި ކަންކޮޅުތަކުގައި މިއަހަރު ބާއްވަމުންދާ އިޙްޔާ ފޯރަމްތަކުގެ ތެރެއިން ފުވައްމުލަކު ސިޓީގައި ބޭއްވި އިޙްޔާ ފޯރަމް ރައިސުލްޖުމުހޫރިއްޔާގެ ނައިބު ފައިސަލް ނަސީމް ޝަރަފުވެރިކޮށް ދެއްވައިފިއެވެ.
ފުވައްމުލަކު ސިޓީ އަތޮޅު ތަޢުލީމީ މަރުކަޒުގައި ބޭއްވި އިޙްޔާ ފޯރަމުގައި ރައިސުލްޖުމްހޫއްޔާގެ ނައިބުގެ އިތުރުން އިސްލާމިކް މިނިސްޓަރ ޑރ. އަހުމަދު އަލީ ޒާހިރު އަދި މިނިސްޓްރީގެ އިސްވެރިން ބައިވެރިވެވަޑައިގެންނެވިއެވެ.
ރަމަޟާންމަހުގެ ރޭތައް އިޙްޔާކުރުމަށް ފުވައްމުލައް ސިޓީގައި ބޭއްވި ފޯރަމްގައި ”އެންމެ ހެޔޮ އިންސާނާގެ ޙަޔާތްޕުޅުގައި ޢިޖުތިމާއީ ގުޅުން” މި މައުޟޫއަށް ތަޤްރީރުކުރައްވައިފައި ވަނީ މިނިސްޓަރ އޮފް އިސްލާމިކް އެފެއާޒް ޑރ. އަޙްމަދު ޒާހިރު ޢަލީ އަދި މިނިސްޓަރ އޮފް ސްޓޭޓް ފޮރ އިސްލާމިކް އެފެއާޒް އަލްއުސްތާޛް މުޙައްމަދު އަނީލެވެ.
މި މައުޟޫއަށް ވާހަކަފުޅުކުރިއަށް ގެންދަވަމުން މިނިސްޓަރ ވިދާޅުވީ ޤުރުއާނުގައި ބާއްވައިލައްވައިފައިވާ ހުރިހައި ކަންތައްތަކެއް އެކަލޭގެފާނު ވަނީ ޢަމަލުފުޅުން ދައްކަވައި، އަދި ފަސޭހައިން އެނގޭ ގޮތަށް މީސްތަކުންނަށް ކިޔައިދެއްވައިފައި ކަމަށެވެ.
ރައީސުލްޖުމްހޫރިއްޔާގެ ނައިބު ފުވައްމުލައް ސިޓީއަށް ކުރައްވާ ދަތުރުފުޅު ނިންމަވައިލެއްވުމަށް ފަހު އެނބުރި ވަޑައިގެންނެވުމަށް ހަމަޖެހިފައިވަނީ އަންނަ ހޮނިހިރު ދުވަހުގެ ރެއެވެ.
