ޗައިނާއިން ބޭނުންވަނީ ރާއްޖޭން ޑިމޮކްރެސީ ފޮހެލަން: ރައީސް ނަޝީދު
ޗައިނާގެ ބޭނުމަކީ ރާއްޖޭން ޑިމޮކްރެސީ ފޮހެލައި ހުދުމުޚުތާރު ވެރިކަމެއް ގާއިމުކުރުން ކަމަށް ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިފަދައިން ވިދާޅުވީ އިންޑިއާގެ ފޮރިން ސެކްރެޓަރީގެ ލެކްޗާއަކަށް ހާއްސަކުރި އިވެންޓެއްގައި ދެއްކެވި ވާހަކަފުޅުގައެވެ.
ރައީސް ނަޝީދު ވިދާޅުވީ ޗައިނާ ބޭނުން ވަނީ ހުދުމުހުތާރު ވެރިކަމެއް ރާއްޖޭގައި އުފައްދައި ޑިމޮކްރަސީ ފޮހެލަން ކަމަށާއި އެފަދަ ވެރިކަމެއްގައި ޗައިނާ ސަރުކާރުން ބޭނުންވާ ކަންތައްތަކެއް ކުރުން ކަމަށެވެ.
މީގެ އިތުރުން ރައީސް ނަޝީދު ވިދާޅުވީ ރާއްޖޭގެ ބޭރު ދަރަނީގެ 70 ޕަސެންޓް މިހާރު ވެސް ދައްކަން ޖެހިފައި އޮތީ ޗައިނާއަށް ކަމަށެވެ. އަދި އެކަމުގެ ސަބަބުން ސިޔާސީ އަދި އިގްތިސާދީ ގޮތުން ރާއްޖެއަށް ނުފޫޒު ހިންގަން ޗައިނާއަށް ބާރު އެބައޮތް ކަމަށް ވިދާޅުވިއެވެ.
އަދި ރާއްޖެއިން އަބަދުވެސް ބޭނުން ވަނީ އިންޑިއާއާ އެކު ގާތް ގުޅުމެއް ބާއްވަން ކަމަށް ރައީސް ނަޝީދު ވިދާޅުވިއެވެ. އެ މަނިކުފާނު މިފަދައިން ވިދާޅުވެފައިވާ އިރު ކުރީގެ ރައީސް އަބްދުﷲ ޔާމީން އިސްވެ ހުންނަވައި ހިންގާ "އިންޑިއާ އައުޓް" ހަރަކާތަކީ ގައުމީ ސަލާމަތަށް ނުރައްކާވާ ހަރަކާތެއް ކަމަށް ވެސް ދާދިފަހުން ސަރުކާރުން ވަނީ ކަނޑައަޅައިފައެވެ.
އިންޑިއާ ސިފައިން މި ގައުމުގެ ބިމުގައި ތިބުމައް ފުރަސަތު ދީގެން ނުތިބޭނެ. ބޭރުގެ އެއްވެސް ގައުމެއްގެ ސިފައިން މި ގައުމުގައި ބަނޑަހަ ޖަހއިގެން ތިބެން އަހަރުމެން ގަބޫލެއްނޫން.. މިކަމަކީ ބަލައިގަނެވޭނެ ކަމެއްނޫން. ނާޝީދު އަކީ އިންޑިއާގެ ވަގު އެޖެންޓެއް
ދެން ކަލޭ ބޭނުންވަނީ ރާއްޖެއިން އިސްލާމް ދީން ފޮހެލަން؟
މީނަ ޑިމޮކްރަސީ ކައިގެން އައިސްސަހުރިމީހެއްދޯ ޑިމޮކްރަސީގެ ވާހަކަދައްކަން މީނަ ރާއްޖެއަށް ގެނާ ޑިމޮކްރަސީގެ ސަބަބުން މައިން ބަފައިންނާ ދަރިންކެޑި ރައްޓހިންނާ ރަހުމަތްތެރިންގެ ގުޅުން ކެޑިގެންދިޔައީ ދިމޮކްރަސީއޭ ކިޔާ ވާހަކަދައްކަން