އިންތިޚާބު ނިމުމުގެ ކުރިން ފައްޔާޒް އެމްޑީޕީން ކަނޑައިނުލައިފިއްޔާ ރަނގަޅު: ރޮޒައިނާ
ޗެއަރޕާސަންގެ އިންތިޚާބު ނިމުމުގެ ކުރިން، އެ އިންތިޚާބުގައި ވާދަ ކުރައްވާ އިކޮނޮމިކް މިނިސްޓަރު ފައްޔާޒް އިސްމާއީލް އެމްޑީޕީން ކަނޑައިނުލައިފި ނަމަ ރަނގަޅު ކަމަށް، އެމްޑީޕީގެ އަންހެނުންގެ ކޮމިޓީގެ ރައީސާ ކަމަށް ވާދަ ކުރައްވާ މީދޫ ދާއިރާގެ މެންބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ މިހެން ވިދާޅުވެފައި ވަނީ، އެމްޑީޕީގެ ޗެއާޕާސަން ހޮވުމުގެ އިންތިހާބުގައި ބިރު ދެއްކުމާއި ނުފޫޒު ފޯރުވުމުގެ އަމަލުތައް ފައްޔާޒްގެ ޓީމުން ހިނގަމުންދާ ކަމަށް ހުށަހެޅި ޝަކުވާތައް ސައްހަކަމަށް އެމްޑީޕީގެ ޝަކުވާ ކޮމިޓީން ބަލައިގަތުމުންނެވެ.
މިކަމާ ގުޅިގެން ރޮޒައިނާ ކުރެއްވި ޓްވީޓެއްގައި ވިދާޅުވީ، ނުފޫޒުގެ ވާހަކަ ދައްކަނީ ރައީސް ނަޝީދުގެ އޮފީސް، ކެންޕެއިން ޖަގަހައަކަށް ބަދަލު ކުރި ފަރާތްތަކެއް ކަމަށެވެ.
އިންތިޚާބު ނިމުމުގެ ކުރިން ފައްޔާޒް ޕާޓީން ކަނޑައިނުލައިފިއްޔާ ކިތަންމެހައި ވެސް ރަނގަޅު. ދައުލަތުގެ ނިޝާން ޖަހައިފައި ހުރި ކުރީގެ ރައީސެއްގެ އޮފީސް، ކެންޕެއިން ޖަގަހައަކަށް ހެދި ބަޔަކު ނުފޫޒުގެ ވާހަކަ މިދައްކަނީ" ރޮޒައިނާ ކުރެއްވި ޓްވީޓެއްގައި ވިދާޅުވިއެވެ.
އިންތިހާބާ ދިމާކޮށް ވަޒީފާގެ ބިރު ދައްކައި ނުފޫޒު ފޯރުވާ ކަމަށް ފައްޔާޒްގެ ވާދަވެރިޔާ، އިމްތިޔާޒް ފަހުމީގެ ޓީމުން ހުށަހެޅި މައްސަލަތައް ބެލުމަށް ފަހު ޝަކުވާ ބަލާ ކޮމިޓީން ނިންމި ނިންމުން ފައްޔާޒްގެ ޓީމުން ވަނީ އިސްތިއުނާފްކޮށްފައެވެ.
މި ނިންމުމާ ގުޅިގެން ފައްޔާޒްގެ ޓީމުން ވިދާޅުވީ، ޕާޓީގެ ގުނަންތަކުން އިންތިހާބަށް ނުފޫޒު ފޯރުވަމުންދާ ކަން އެ ނިންމުންތަކުން އެނގޭ ކަމަށެވެ. އަދި އެ ނިންމުންތައް ހުރީ ޕާޓީން އާއްމުކޮށްފައިވާ ގަވާއިދުތަކާ އަމަލުކުރާ އުސޫލްތަކާ ހިލާފަށް ކަމަށް ވެސް އެ ޓީމުން ވިދާޅުވިއެވެ.
ވަރައް ކައިރި ކަމެއްތީ، މަށައް އެންގޭ ޢޭރުވެސް މިހާރުވެސް ޕާޓީ އެތެރޭ އިންތިހާބުތަކަށް ނަސީދު ނުފޫޒު ފޯރުވާކަން އަދި ވޯޓް ލިސްޓާ ކުޚޭކަންވެސް ކަނޑަ އެޅިގެން މި އިންތިހާބު އޮޅާލަން އެތެރެއިން އެބަ މަސަކަތް ކުރޭ ނަސީދުގެ ނުފޫދުން މީ ހަގީގަތް