ރާޖަޕަކްސަ އިސްތިއުފާ ދެއްވައިފި

ސްރީ ލަންކާގެ ބޮޑުވަޒީރު މަހިންދަ ރާޖަޕަކްސަ އިސްތިއުފާ ދެއްވައިފިއެވެ.

Ads by Hajj Corporation

ރާޖަޕަކްސަ އިސްތިއުފާ ދެއްވިކަން ލަންކާގެ މީޑިއާތަކުން ވަނީ ރިޕޯޓްކޮށްފައެވެ.އޭނާ މަޤާމުން އިސްތިއުފާ ދީފައިވަނީ، އިޤްތިޞާދީ ކާރިސާގެ ސަބަބުން އެ ޤައުމުގައި ހަމަނުޖެހުންތައް ބޮޑުވެފައިވާ ދަނޑިވަޅެއްގައެވެ.

މިއަދު މަހިންދަ ރާޖަޕަކްސަގެ ގެކޮޅު ކައިރިޔަށް މުޒާހަރާއަށް ދިޔަ ފަރާތްތަކާއި، އޭނާގެ ސަޕޯޓަރުންނާ ދެމެދު ވަނީ ހަމަނުޖެހުންތަކެއް ހިނގައިފައެވެ. މި ހަމަނުޖެހުންތަކުގައި ގިނަ ބަޔަކަށް އަނިޔާވެ، ލަންކާގެ ވެރިރަށް ކޮލަންބޯގައި ވަނީ ކާފިއު ވެސް އިއުލާންކޮށްފައެވެ.

އެގައުމުގެ ބޮޑުވަޒީރު މަހިންދަ ރާޖަޕަކްސަ އިސްތިއުފާ ދީފައި ވަނީ، އޭނާގެ ކޮއްކޮ ލަންކާގެ ރައީސް ގޮޓަބަޔަ ރާޖަޕަކްސް ބޮޑުވަޒީރުގެ އިސްތިއުފާއަށް އެދިފައިވާ ދަނޑިވަޅެއްގައެވެ.