ރައީސް ޔާމީންގެ ޓްވިޓަރ އެކައުންޓް ވެރިފައިކޮށްފި
ދާދި ފަހުން ޓްވިޓަރ ބޭނުން ކުރައްވަން ފެއްޓެވި، އިދިކޮޅު ލީޑަރު ރައީސް އަބްދުﷲ ޔާމީން އަބްދުލްޤައްޔޫމްގެ ޓްވިޓަރ އެކައުންޓް ވެރިފައިކޮށްފިއެވެ.
ރައީސް ޔާމީންގެ އަމިއްލަފުޅު ޓްވިޓަރ ހޭންޑަލެއް ބޭނުން ކުރައްވަން ފެއްޓެވީ، މި މަހުގެ 4ވަނަ ދުވަހުއެވެ. 9 ދުވަސް ތެރޭގައި ހަތް ހާސް މީހުންނަށް ވުރެ ގިނަ މީހުން ވަނީ އެ މަނިކުފާނު ފޮލޯކޮށްފައެވެ.
ރައީސް ޔާމީންގެ ޓްވިޓަރ އެކައުންޓް ވެރިފައިވެފައި ވަނީ، މިއަދުއެވެ. ޓްވިޓަރ ވެރިފިކޭޝަނަކީ، އެކައުންޓް ބޭނުން ކުރަނީ ވެރި ފަރާތުންކަން ޔަޤީންކަން ދިނުމަށް ޓްވިޓަރއިން އަރުވާ ބެޖެކެވެ. ރާއްޖޭގެ ސިޔާސީ ގިނަ ފަރާތްތަކުން ބޭނުން ކުރަމުންދަނީ ވެރިފައިޑް ޓްވިޓަރ އެކައުންޓްތަކެކެވެ.
ރައީސް ޔާމީންގެ ޓްވިޓަރ އެކައުންޓުން މިހައިތަނަށް 7 ޓްވީޓެއް ކުރައްވައިފައިވާއިރު، ކޮންމެ ޓްވީޓެއްގެ އެންގޭޖްމެންޓް ވެސް ވަރަށް މަތިކަން ފާހަގަކޮށްލެވެއެވެ.
