ރައީސް ނަޝީދު ސިރިސޭނާއަށް: ހުރިހައި ޕާޓީއެއް އެކުގައި މަސައްކަތް ކުރުން މުހިންމު
ލަންކާގެ ކުރީގެ ރައީސް މައިތުރިޕާލާ ސިރިސޭނާއާއި ރައްޔިތުން މަޖިލީހުގެ ރައީސް، ރައީސް މުޙައްމަދު ނަޝީދު ބައްދަލު ކުރައްވައިފިއެވެ.
ރައީސް ނަޝީދު ސިރިސޭނާއާ ބައްދަލު ކުރައްވައިފައި ވަނި، މިހާރު އެމަނިކުފާނު ލަންކާއަށް ކުރައްވަމުން ގެންދަވާ ދަތުރުފުޅުގައެވެ. ރައީސް ނަޝީދު މިއަދު ކުރެއްވި ޓްވީޓެއްގައި ވިދާޅުވީ، ރައީސް ސިރިސޭނާއާ މުހިންމު ވާހަކަތަކެއް ދެކެވުނު ކަމަށެވެ. މިގޮތުން ލަންކާއަށް ދިމާވެފައިވާ އިޤްތިޞާދީ ކާއިސާއިން އަރައިގަތުމަށް ހުރިހައި ޕާޓީއެއް އެކީގައި މަސައްކަތް ކުރުމުގެ މުހިންމު ކަމާ ގުޅޭ ގޮތުން މަޝްވަރާ ކުރެވުނު ކަމަށް ރައީސް ނަޝީދު ވިދާޅުވިއެވެ.
މި ދަތުރުފުޅުގެ ތެރެއިން ނަޝީދު އިއްޔެ ވަނީ ލަންކާގެ ބޮޑުވަޒީރު ރަނިލް ވިކްރަމްސިންހައާ ބައްދަލު ކުރައްވައިފައެވެ. އަދި ލަންކާގެ އިޤްތިޞާދީ ކާރިސާއިން އަރައިގަތުމަށް ބޭރުގެ އެހީތެރިކަން ހޯދައިދޭން ރައީސް ނަޝީދު އަމިއްލައަށް ވަނީ އެދިވަޑައިގެންފައެވެ. ރަނިލް ވަނީ މި ދައުވަތު ޤަބޫލުފުޅު ކުރައްވައިފައެވެ.
އެހެންވެގެނ ދ މިއެއްޗަކ ވަކިނުވެވިގެނ މިއުޅެނީ