"އިންޑިއާ އައުޓް" އާ ދެކޮޅަށް "ބާކީނުވޭ" ކެންޕެއިން!

އިދިކޮޅު ފަރާތްތަކުން ހިންގާ "އިންޑިއާ އައުޓް" ކެމްޕެއިނާ ދެކޮޅަށް "ބާކީ ނުވޭ"ގެ ނަމުގައި އެމްޑީޕީން ސޯޝަލް މީޑިއާގައި ކެމްޕެއިނެއް ފަށައިފިއެވެ.
ސޯޝަލް މީޑިއާގައި ކުރިއަށްގެންދާ އެ ކެމްޕެއިނުގައި ސަރުކާރުގެ އެކި މަގާމުތަކުގެ ބޭފުޅުންނާއި އެމްޑީޕީގެ އެކްޓިވިސްޓުން ދަނީ ބައިވެރިވަމުންނެވެ. އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް ވަނީ އެ ހޭޝްޓެގް ބޭނުން ކުރައްވައި މިއަދު ޓުވީޓެއް ކުރައްވައިފައެވެ.
"ބާކީނުވޭ"ގެ ނަމުގައި އެމްޑީޕީ ފަރާތްތައް ސޯޝަލް މީޑިއާގައި ކެމްޕެއިނެއް ފަށައިފައި މި ވަނީ އިންޑިއާ އައުޓް ހަރަކާތަކީ ގައުމީ ސަލާމަތައް އޮތް ނުރައްކަލެއް ކަމަށް ކަނޑައަޅައި ރައީސް އިބްރާހީމް މުހައްމަދު ޞާލިޙް މިދިޔަ މަހު ނެރުއްވި ގަރާރާ އެކު ވެސް އެ ހަރަކާތް ނުހުއްޓުވުމުންނެވެ.