ކުލި ނުދައްކާ ރިސޯޓްތައް ބަންދު ކުރުމުން އެތައް ބައެއްގެ ވަޒީފާ ގެއްލޭނެ: މައުޞޫމް
ކުލި ނުދައްކާ ރިސޯޓުތައް ބަންދުކުރުމަކީ އެތައް ބައެއްގެ ވަޒީފާ ގެއްލޭނެ ކަމެއް ކަމަށް ވާތީ އެއީ އެންމެ ރަނގަޅު ހައްލެއް ނޫން ކަމަށާއި، ސަރުކާރުގެ ވިސްނުމަކީ މަޝްވަރާކޮށްގެން އެ ފައިސާ ހޯދުންކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވިދާޅުވެއްޖެއެވެ.
މައުސޫމް މިހެން ވިދާޅުވެފައި ވަނީ، ވަޒީރުންނާ ސުވާލު ކުރުމަށް މިއަދު މަޖިލީހަށް ހާޒިރު ކުރުމުން، މެންބަރަކު ކުރެއްވި ސުވާލަކަށް ޖަވާބު ދެއްވަމުންނެވެ.
"މި ވަގުތު އަޅުގަނޑުމެން މަސައްކަތް ކުރަމުން މި ދަނީ ރިސޯޓު ބަންދުނުކޮށް، އެ ތަނުގެ ތިބި މުވައްޒަފުންގެ ވަޒީފާ ނުގެއްލޭ ގޮތަށް، އެހެން ނަމަވެސް ދައުލަތަށް ލިބެން ހުރި ލާރިތައް ލިބެން އަންނަ ގޮތަކަށް މަސައްކަތް ކުރަން. އެއީ ޒަމާނީ ވިޔަފާރީގެ ވިސްނުމަކަށް ވާނީ." މައުސޫމް ވިދާޅުވިއެވެ.
މިނިސްޓަރު ވިދާޅުވީ، މިހައިނަތަށް ކުލި ނުދައްކާ 18 ރިސޯޓަކަށް ނޯޓިސް ފޮނުވައިފައިވާ ކަމަށެވެ. ނޯޓިސް ދިނުމަށް ފަހު، އެ ތަންތަން ބަންދުކުރުމާއި ލައިސެންސް ހިފެހެއްޓުމުގެ އިހްތިޔާރު މިނިސްޓްރީއަށް އޮތް ނަމަވެސް، "އެއީ އެންމެ ރަނގަޅު ސޮލިއުޝަނެއް ކަމަށް ނުފެންނާތީ އެ ތަންތަނާ މަޝްވަރާކޮށްގެން" އެ ފައިސާ ހޯދުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވިއެވެ. އެ މަސައްކަތުގެ ސަބަބުން ބައެއް ރިސޯޓުތަކުން ފައިސާ ލިބެމުން އަންނަކަން ވެސް އޭނާ ފާހަގަކުރެއްވިއެވެ.
ކެލާ ހަމަނުޖެހޭ މީހުން މިނިސްޓަރުކަމަށް ލައިގެން މުއްސަދިންގެ ހިމާޔަތުގާ މޭޒުދަށުން ކައިލައިގެން، ނިކަމެތި ރައްޔިތުމީހާ އެންމެ ރުފިޔާއެއް ދައުލަތަށް ދޭން އޮތަސް ފާހާނާވެސް ނުކޮއްލެވޭނެ އެ ނުދައްކާ.
ކުލި ނުދެއްކީމަ އެކައުންޓު ފްރީޒް ކުރެވޭނެ. ކުއްޔާއެކު މެނޭޖްމެންޓު ވިއްކާލެވޭނޭ. އޯނަރު ބަންދު ކުރެވޭނެ. ސަރުކާރު ނުޖެހޭނެ ރިސޯޓު އޯނަރުގެ ފައިބުޑައް ވެއްޓޭކައް. ކަލޯއައް ނޭގެންޏާ އިސްތިއުފާ ދީފަ ބަދިގެއައްދޭ.