ކެނެރީގެ ފާރުގައި އިންޑިއާ އައުޓު ޖެހި މީހާގެ ބަންދަށް ހަތް ދުވަސް

ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދުގެ ގެކޮޅު ކަމަށްވާ ކެނެރީގެ ފާރުގައި 'އިންޑިއާ އައުޓު' ޖެހި މީހާގެ ބަންދަށް ހަތް ދުވަސް ޖަހައިފިއެވެ.

Ads by Sosun Fihaara

މި މައްސަލައިގައި ހައްޔަރުކޮށްފައި ވަނީ 28 އަހަރުގެ ފިރިހެނެކެވެ. ކެނެރީގެ ފާރުގައި އިންޑިއާ އައުޓު ޖަހައިފައި ވަނީ މިދިޔަ މަހުގެ 30ވަނަ ދުވަހުއެވެ.

އިދިކޮޅު ކޯލިޝަނުން ކުރިއަށް ގެންދާ 'އިންޑިއާ އައުޓު' ކެމްޕޭނުގެ ތެރެއިން މާލޭގެ އެކި ހިސާބުތަކުގައި ބޮޑެތި ބެނާތައް ނެގުމުގެ އިތުރުން، މާލޭގެ އެކި ހިސާބުތަކުގައި އަދި އެކި ވެރިންގެ ގެކޮޅުތަކުގައި ވެސް 'އިންޑިއާ އައުޓު' ޖަހައިފައި ވެއެވެ.

އިދިކޮޅުން ކުރިއަށް މިގެންދާ ކެމްޕެއިނަކީ ގައުމީ ސަލާމަތަށް ހުރި ނުރައްކަލެއްކަމަށް ބުނެ ރައީސް އިބްރާޙިމް މުޙައްމަދު ޞާލިހު ވަނީ މި ކެމްޕެއިން ހުއްޓުވުމަށް ހާއްސަ ޤަރާރެއް ވެސް ނެރުއްވައިފައެވެ.