ތެދު ބަހުން ވާހަކަ ދައްކާކަށް މަޖިލީހުގެ ޤަވާއިދަކު ނޯވޭ: އީވާ
ރައްޔިތުންގެ މަޖިލީހުގެ ތަޅުމުގައި ވާހަކަދައްކާއިރު ތެދުބަހުން ވާހަކަ ދައްކަންޖެހޭނެ ކަމަށް މަޖިލީހުގެ ގަވާއިދުގައި ބުނެފައި ނޯންނަކަމަށް ރައްޔިތުންގެ މަޖިލީހުގެ ނާއިބު ރައީސް, ގަލޮޅު އުތުރު ދާއިރާގެ މަޖިލިސް މެންބަރު އީވާ އަބްދުﷲ ވިދާޅުވެއްޖެއެވެ.
އީވާ މިހެން ވިދާޅުވީ، ނައިފަރު ދާއިރާގެ މެމްބަރު އަހުމަދު ޝިޔާމް ދެއްކެވި ވާހަކަތަކަކާ ގުޅިގެން އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ނެންގެވި ނިޒާމީ ނުކުތާތަކަކާ ގުޅިގެންނެވެ.
މިއަދު މަޖިލީހުގެ ޖަލްސާގައި ޝިޔާމް ވިދާޅުވީ، އެމްއެމްޕީއާރުސީގެ މައްސަލައިގައި އެމްއެމްޕީއާރުސީގެ ފައިސާއިން ރައީސް އިބްރާހިމް މުހައްމަދު ޞާލިހަށް ދިން ކަމަށް ތުހުމަތު ކުރެވޭ ފައިސާގެ ވާހަކަ ނުދައްކާ ގޮތަށް ކުރީގެ ނާއިބު ރައީސް އަހުމަދު އަދީބާ އެކު ޕީޖީން އިއުތިރާފްގެ އެއްބަސްވުމެއް ހަދާފައިވާ ކަމަށެވެ.
ޝިޔާމުގެ އެ ތުހުމަތުތަކާ ގުޅިގެން ނިޒާމީ ނުކުތާ ނަންގަވައި ރޮޒެއިނާ ވިދާޅުވީ، ރައީސްގެ އަބުރު ކަތިލުމުގެ ބޭނުމުގައި މަޖިލީހުގައި ނެތް މީހެއްގެ ވާހަކަ ދޮގު ހަދައިގެން ދެއްކުމަކީ މަޖިލިސް ގަވާއިދު ތަން ދޭ ކަމެއް ނޫން ކަމަށެވެ.
މަޖިލީހުގެ މިއަދުގެ ޖަލްސާގެ ރިޔާސަތުގައި އިންނަވާ އީވާ ވިދާޅުވީ، މަޖިލިސް ގަވާއިދުގެ އެ މާއްދާ ވިދާޅުވުމަށް އެދިވަޑައިގަންނަވާ ކަމަށެވެ. އެ ސުވާލަށް ޖަވާބު ނުދެއްވުމުން އީވާ ވިދާޅުވީ މަޖިލީހުގައި ތެދު ބަހުން ވާހަކަ ދައްކަން ނޯންނަކަމަށެވެ.
އީވާގެ އެ ވާހަކައަށް ރައްދު ދެއްވަމުން ރޮޒެއިނާ ވިދާޅުވީ، އިސްލާމް ދީނާ ހިލާފު ނުވާ ގޮތަށް ވާހަކަދައްކަން ޖެހޭނެ ކަމަށް މަޖިލިސް ގަވާއިދުގައި ބުނާ ކަމަށެވެ. މީހުންނާ ގުޅޭ ގޮތުން ކަނޑައެޅިގެން ދޮގު ހެދުމަކީ އިސްލާމް ދީނުގައި މަނާ ކަމެއް ކަމަށް ވެސް ވިދާޅުވިއެވެ.
ރިޔާސަތުން އެ ވާހަކަތަކަށް ރައްދު ނުދެއްވައި ޝިޔާމްގެ ވާހަކަ ކުރިޔަށް ގެންދިއުމަށް ފުރުސަތު ދެއްވިއެވެ.
ސިޔާސީ ހަށިވިއްކާ މާރުކޭޓެއްގައި ތެދުބަހުން ވާހަކަ ދައްކާނެތޯ ؟ އަބަދު ގޮޅީގައި ސޭލް އަޅުވައިގެން އުޅޭތަނެއް !
ދޮގު ހެދުމަކީ ކޮންމެ ދީނެއްގެ ބައެއްވެސް، ނުވަތަ ކޮންމެ ޘަގާފަތެއްގެ ބައެއްވެސް ނަފުރަތު ކުރާކަމެއް