ސްޓެލްކޯ ފްލެޓްގެ އެއް ކޮޓަރި 5،622ރ އަށް، އަންނަ މަހު ހަވާލު ކުރަނީ

ހުޅުމާލޭ ފޭސް 2 ގައި ސްޓެލްކޯ އިން އިމާރާތްކޮށްފައިވާ ފްލެޓްތައް ގަތް މުވައްޒިފުންނަަށް އަންނަ މަހު ހަ ވަނަ ދުވަހު ފްލެޓްތައް ހަވާލު ކުރާނެ ކަމަށް އެ ކުންފުނީގެ މެނޭޖިން ޑިރެކްޓަރު އަހުމަދު ޝަރީފް ވިދާޅުވެއްޖެއެވެ.

Ads by MWSC

މިކަން ހާމަކޮށްފައިވަނީ ސްޓެލްކޯގެ ބޯޑުގެ އާ ޗެއާމަން ސިފައިންގޭގެ ކުރީގެ ބްރިގޭޑިއާ ޖެނަރަލް އިބްރާހިމް މުހައްމަދު ދީދީ (ޑީޑީ) އެ ކުންފުނީގެ މުވައްޒަފުންނަށް ތައާރަފު ކުރުމަށް ބޭއްވި ބައްދަލުވުމެއްގައި ޝަރީފް ދެއްކެވި ވާހަކަފުޅުގައެވެ.

މި ފްލެޓްތަކަށް ދައްކަން ޖެހެނީ ކުޑަ އަގެކެވެ. އަދި މިއަހަރުގެ ޑިސެމްބަރުގެ ނިޔަލަށް ކުލި ނުނެގުމަށް ވަނީ ނިންމާފައެވެ.

• 1 ކޮޓަރީގެ އެޕާޓްމަންޓަށް: މަހަކު 5،622ރ، އަދި މެއިންޓަނެންސް ފީއަށް 1،000ރ.
• 3 ކޮޓަރީގެ އެޕާޓްމަންޓަށް: މަހަކު 10,652ރ، އަދި މެއިންޓަނެންސް ފީއަށް 1،300ރ.

ހުުޅުމާލޭގައި 15 ބުރީގެ ދެ ޓަވަރުގައި 360 އެޕާޓްމަންޓް ހެދުމަށް ސްޓެލްކޯ އިން ވަނީ 640 މިލިއަން ރުފިޔާ ހަރަދުކޮށްފަ އެވެ. އެ ސަރަހައްދުގައި ސްވިމިން ޕޫލަކާއި ސްޓެލްކޯގެ މުވައްޒަފުންނާއި އެ މީހުންގެ އާއިލާތަކުގެ ހިތްހަމަޖެހުމަށް ބައެއް ވަސީލަތްތައް ގާއިމުކުރުމަށް ހަރަދުކުރާ ފައިސާއާ އެކު ހުޅުމާލެ ފްލެޓްތަކަށް ކުންފުނިން 700 މިލިއަން ރުފިޔާ ވަރު ހަރަދުކުރާނެ ކަމުގައި ޝަރީފް ވިދާޅުވި އެވެ.