ރައީސް ޔާމިނަކީ ޤައުމިއްޔަތު ދިފާއުކުރަން ހަނގުރާމަ ކުރެއްވި ސޯލްޖަރެއް: އައިފާން
ރައީސް ޔާމިން ޢަބްދުލްޤައްޔޫމަކީ ޤައުމިއްޔަތު ދިފާއުކުރަން ހަނގުރާމަ ކުރެއްވި ސޯލްޖަރެއްކަން ވަނީ ސާބިތުކޮށްދެއްވާފައި ކަމަށް މާލޭ ސިޓީ ކައުންސިލަރު އަޙްމަދު އައިފާން ވިދާޅުވެއްޖެއެވެ.
އައިފާން މިއަދު ވިދާޅުވީ ޙަޤީޤީ ސޯލްޖަރުންނަކީ ތިމާގެ ނަފުސު ރައްކާތެރިކޮށް ދިފާއުކުރަމުން, ޤައުމާއި ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރާ މީހުން ކަމަށެވެ. އެ ގޮތުން ބަލާއިރު ރައީސް ޔާމީނު ވަނީ ނަފުސު ދިފާއު ކުރައްވައި, ޤައުމާއި ޤައުމިއްޔަތު ދިފާއު ކުރަން ހަނގުރާމަ ކުރެއްވި ދިވެހި ސޯލްޖަރެއްކަން ހާމަ ކޮށްދެއްވާފައިކަމަށް އައިފާން ވިދާޅުވިއެވެ.
އައިފާން ވިދާޅުވީ ޤައުމުގެ މިނިވަންކަމަށް ހިޔަނި އެޅިދާނެހެން ހީވާ ކޮންމެ ކަމެއްގައި އެ މަނިކުފާނު ޖެއްސެވީ ''ސައްޕެއް'' ކަމަށާއި, ޤައުމުގެ އަޤީދާ ދިފާއު ކުރެއްވުމުގައި ދެއްކެވީ ނަމޫނާއެއް ކަމަށެވެ.
އައިފާން ވިދާޅުވީ ޤައުމު މިހާރު އެދި ގޮވަނީ ރައީސް ޔާމިންގެ ޒަޢާމަތަކަށް ކަމަށެވެ.
ރައީސް ޔާމީނަކި ދިވެހިންގެ ފަޅުތަކާއި ރަށްތައް ވިއްކައިގެން މިލިޔަނުން ފައިސާ އެކައުންޓަށް ޖަމާކޮށްގެން ގަޑުވަރެއްއަޅަމުންދާ ސޯލްޖަރެއް!
ރައްޔިތުން ދިފާއު ކުރާކަށް ނޫން ރަށްރަށަށް ފޭބީމަ މާފަތި އަރިހުރަހަށް އަންނަން ފެށީމަ ތިމާއަށް އޮޅި މާފައްޗެއްގެ ދަށުވީ. ހުރިހާ ރައްޔިތުންނާ ދެކޮލަށް ނިކުމެގެން ގައުމިއްޔަތު ދިފާއުކުރެވޭނެތަ؟