ފިރިން ހިލޭ އަންހެނުންނާއި ވާހަކަ ދައްކަނީތަ؟ އަވަހަށް ފޯނު އަތުލާފަ، ސޯޝަލް މީޑިއާއާއި ދުރުކުރޭ!
ކައިވެނި ކޮށްގެން އުޅޭ ފިރިހެނުން، ހިލޭ އަންހެނުންނާއި ގޮތްގޮތަށް ވާހަކަ ދެއްކުމަކީ ރާއްޖޭގައި ވެސް ވަރަށް ގިނައިން ވަމުން އަންނަ ކަމެކެވެ. އަދި މިއީ ވަރަށް ގިނަ މީހުން ލޭ ކެކޭވެސް ވާހަކައެއްމެއެވެ.
އަނބިމީހާ ނިދުމުން ނުވަތަ އަނބިމީހާއާއި ގާތުގައި ނުހުންނަ ވަގުތު އެހެން ހިލޭ އަންހެނުންނާއި ގޮތްގޮތަށް ވާހަކަ ދައްކާ ފިރިން އިންތިހާއަށް ގިނައެވެ.
އެގޮތުން ގިނަ ފަހަރަށް މިފަދަ ފިރިން ހިލޭ އަންހެނުންނާއި ވާހަކަ ދައްކަނީ ސޯޝަލް މީޑިއާ މެދުވެރިކޮށެވެ. ގެންގުޅޭ ފޭސްބުކްް އައިޑީގެ ޕާސްވޯޑް އަނބިމީހާއަށް ނާންގައެވެ. އަނބިމީހާއަށް އެނގޭނަމަ، ހަމައެކަނި އޭނާ ނިދާފައި އޮންނަ ގަޑީގައި އެހެން އަންހެނުންނާއި ވާހަކަ ދައްްކާފައި އަވަހަށް ދެއްކި ވާހަކަތައް ފުހެލައެވެ. ނޫން ނަމަ އެމީހަކާއި ވާހަކަ ދައްކަން އެހެން ވަގު އައިޑީއެއް ހަދައިގެން އުޅެއެވެ.
ހިލޭ އަންހެނުންނާއި ވާހަކަ ދައްކަން މިހާރު އެފަދަ ފިރިން ބޭނުން ކުރަނީ ހަމައެކަނި ފޭސްބުކް އެކަންޏެއް ނޫނެވެ. ދައްކާފައި ހުންނަ ވާހަކަތައް ފަހުން ނުފެންނާނެފަދަ އެޕްލިކޭޝަންތައް ކަމަށްވާ "ސްނެޕްޗެޓާއި" ފަސޭހައިން ދެއްކި ހުރިހާ ވާހަކައެއް ފުހެލެވޭނެ "ޓެލެގްރާމް" ވެސް ބޭނުން ކުރެއެވެ. އެވަރުން ނުވާނަމަ، "ސީކްރެޓް ޗެޓް" ހަދައިގެން ވެސް ސިއްރު ވާހަކަ ދައްކާ، ސްކްރީންޝޮޓެއް ވެސް ނުނެގޭ ގޮތް ވެސް ހަދައެވެ.
ފިރިން މިހެން އުޅުމަކީ އަނބިންް ވަރަށް ބޮޑަށް ބޯގޮވާ ކަމެކެވެ. މުޅި ދުވަހު ފިރިމީހާގެ ޚިދުމަތުގައި އޭނަގެ ގެއާއި، ދިރިއުޅުން ބަލަހައްޓަމުން އަނބިން އުޅޭއިރު ގިނަ ފިރިން ދުވަނީ އިތުރު އަންހެނުންނާއި ވާހަކަ ނުދެއްކިގެންނެވެ. އޮޅިގެން ވެސް އަނބިމީހާއަށް އޭގެން ކަމެއް އެނގިއްޖެނަމަ ދޭނެ ޖަވާބުތައް ވެސް މިފަދަ ފިރިން ހުންނަނީ ކުރީބައިގައި ތައްޔާރު ކޮށްފައެވެ.
އެގޮތުންދޭ ބައެއް ޖަވާބު ތަކަކީ:
"އެއީ ހަމައެކަނި ރަށްޓެއްސެއް، އަހަރުމެން އަބަދުވެސް ވާހަކަ ދައްކާ ގޮތް އެއީ. އެއީ އަނެއްހެން ކަމެއް ނޫން"، "ތިވަރަށް ޝައްކު ނުކޮށްބަލަ، މިއީ (ކޮންމެވެސް ރަށްޓެއްސެއްގެ ނަން ބުނެފައި) އޭނަ މަގޭ އައިޑީން ކޮށްގެން އުޅޭ ކަމެކޭ، މިއީ އޭނަގެ ކަމެއް"، "މިއީ ޓެސްޓަކަށް ކުރާ ކަމެއް، މީހަކު ބުނެގެން"، "ވާހަކަ ދައްކާނެއްނު. މަށަށް އެބަ ވަގުތެއް ދެންތަ؟ މަށަށް އަޅާލަންތަ؟"، "އަނެއްހެން ސީރިއަސްކޮށް ކުރި ކަމެއް ނޫން. ހަމަ އެހެން މަޖަލަކަށް ޓައިމްޕާސް އަކަށް ވާހަކަ ދައްކަން ފެށީ، ދެން ނުކުރާނަން"، "މަށެއް ނޫން އެއަންހެން ކުއްޖާ މަށާ ހެދި މޮޔަވެގެން އުޅެނީ" އަދިވެސް އެތައް ބައިވަރު ޖަވާބުތައް ފިރިން ދެއެވެ.
މިފަދަ ކަންކަން ދިރާސާކުރި ޕަރޑިއު ޔުނިވަރސިޓީގެ ޕްރޮފެސަރ އޮފް ސައިކޮލޮޖީ ކިޕްލިންގް ވިލިއަމްސް ބުނީ އާއްމުގޮތެއްގައި ފިރިންނަށް މިފަދައިން އުޅެވެނީ އެމީހުންނަށް ދޭންވާ ސަމާލުކަން އަނބިންނަށް ވެސް ނުދެވުމުގެ ސަބަބުން، ސޯޝަލް މީީޑިއާއަށް އެފަދަ ފިރިން އެނބުރުމުން ކަމަށެވެ.
"ގޭތެރޭގެ ކަންކަމާއި ދަރިންނާއި އާއިލާގެ ޒިންމާތައް އަބަދުމެ އުފަލަން ހަދައިން ފިރިންވެސް ތިބެނީ ގިނަ ފަހަރަށް ވަރުބަލިވެފައެވެ. އޮފީހުގެ ޓެންޝަން ވެސް ހިފައިގެން ގެއަށް އަންނައިރު ބައެއް ފަހަރު އަނބިމީހާވެސް ރުންކުރުވެފައި ހުރުމުން ނުވަތަ ފިރިމީހާ ހިތް އެދޭފަދަ ގޮތަކަށް ނަލަ ވެލާފައި ނުހުރުމުގެ ސަބަބުން، ފިރިންގެ މޫޑު އިތުރަށް ބަދަލުވެއެވެ.
ބައެއް ފަހަރު އަނބިންނާއި ވާހަކަ ދައްކާލަން އުޅުމުން ވެސް އެމީހުން މާބޮޑަށް ބިޒީވެގެން ނުވަތަ އެހެން ކޮންމެވެސް ސަބަބަކާއި ހެދި ފިރިންނަށް އަޅާނުލެވި ހުރެއެވެ. ބައެއް ފަހަރު ފިރިންނަކީ ވެސް ކުޑަކުދިން ފަދައިން ރުއްސައިގެން ގެންގުޅެން ޖެހޭ ބައެކެވެ.
މިފަދައިން ފިރިންނަށް ވަގުތު ނުވަތަ ސަމާލުކަން ނުދެވުމުން ދެން އެމީހުންނަށް (ފިރިންނަށް) އެނބުރެވެނީ އެމީހުންގެ ފޯނާއި ދިމާލަށެވެ. އެގޮތުން ސޯޝަލް މީޑިއާއިން ހިތްކިޔާފަދަ އެހެން އަންހެން ކުދިންނާއި ދިމާވުމުން އެމީހުންނާއި ވާހަކަ ދައްކަން ފަށައެވެ.
ބައެއް ފަހަރު އަނބިން އެމީހުންނާއި (ފިރިންނާއި) މާބޮޑަށް ނުރުހިގެން ހުރެ ވާހަކަ ދައްކާތީއާއި މާބޮޑަށް ފިއްތައިގެން ގެންގުޅެން އުޅޭތީ، ބޯ ހަމަ ޖައްސާލަން ވެސް އެހެން އަންހެން ކުދިންނާއި ފިރިން ވާހަކަ ދައްކަން ފަށައެވެ.
އާއްމުގޮތެއްގައި ފިރިން މިފަދައިންް ހިލޭ އަންހެން ކުދިންނާއި ވާހަކަ ދައްކަން ފަށަނީ އެމީހުން ދެކެ ލޯބިން ނުވަތަ އަނބިމީހާ ދޫކޮށްލަން ނުވަތަ ބޭވަފާތެރިވުމުގެ ނިޔަތަކުވެސް ނޫނެވެ. ހަމައެކަނި ޓައިމްޕާސް އަށް، މަޖާ ކޮށްލުމުގެ ގޮތުންނެވެ.
އެހެންކަމުން ފިރިން އެގޮތަށް ހިލޭ އަންހެނުންނާއި ވާހަކަ ދެއްކުން ހުއްޓުވަން ބޭނުންވާނަމަ، އެމީހުން ސޯޝަލް މީޑިއާ އާއި ދުރުކުރުވާ، އެމީހުންނަށް ވެސް ވަގުތު ދޭށެވެ." ކިޕްލިންގް ދިން އިންޓަވިއު އެއްގައި ބުނެފައިވެއެވެ.
މަސްދަރު: "ދަ ސައިލެންޓް ޓްރީޓްމަންޓް" ބްލޮގް
އަންހެން ކުދިން ހިލޭ ފިރިހެނުންނާ އެކީ ގޮސް ސީސާ ބޮއެ، ބުރުޖަހާ، ހިލޭ ފިރިހެނުންނާ ޗެޓް ކޮށް ކާންގޮސް، އެވާހަކަ ލިއެބެލަ،
ޓުރޫ
ފޯނު ވެސް އަތުލަން ވީ އަނބިން އަތުން، ދުނިޔޭގައި މަކަރު ވެރި ބައެކީ އަންހެނުން، އަންހެނުންނާ ހެދި ފިރިހެނުން ހަލާކުވަނީ،
އަބަދުވެސެ ގޯސްވާނީ އަންހެނުން
ހަމަ ގިނަ ފިރިހެނުންގެ ވައްތަރު
ބަރާބާރު ވާހަކައެއް