އަންނަ ހަފްތާގައި ނާއިބުރައީސް ރ. އަތޮޅަށް ވަޑައިގަންނަވަނީ
އަންނަ ހަފްތާ ބަންދުގައި ރައީސުލްޖުމްހޫރިއްޔާގެ ނާއިބު ފައިސަލް ނަސީމް ރ. އަތޮޅަށް ވަޑައިގަންނަވަން ނިންމަވައިފިއެވެ.
ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވީ އަންނަ ހަފްތާ ބަންދުގައި ރ. އިނގުރައިދޫ، ވަންދޫ، އިންނަމާދޫ، މާކުރަތު، ދުވާފަރު އަދި އުނގޫފާރަށް ނާއިބު ރައީސް ވަޑައިގަންނަވާނެ ކަމަށެވެ.
މި ދަތުރުފުޅުގައި އެ ރަށްރަށުގެ ސިއްހީ މަރުކަޒުތަކަށް ވަޑައިގަންނަވަން ވަނީ ހަމަޖެހިފައެވެ. އަދި އެ ތަންތަނުގަި ކުރަން ހުރި ކަންތައްތަކާއި، އެތަންތަނުގެ ހާލަތު ބައްލަވާލައްވާނެ ކަމަށް މިއުވާން ވިދާޅުވިއެވެ.
މި ދަތުރުފުޅުގައި ނައިބު ރައީސް އެ ރަށްރަށުގެ މުއައްސަސާތަކާ ބައްދަލުކުރައްވާނެއެވެ. އެގޮތުން ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީ އަދި ސިއްހީ މަރުކަޒުތަކުގެ މަސައްކަތް ކުރިއަށްދާގޮތް ނައިބު ރައީސް ބައްލަވާނެއެވެ.
