ސިޔާސީ ކަންކަމުން ސިފައިން ދުރުވާން ޖެހޭ: ޕާކިސްތާނުގެ ޗީފް އޮފް އާމްސް
ޕާކިސްތާން ސިފައިން ސިޔާސީ ކަންކަމާ ދުރުހެލިވާން ބޭނުންވާ ކަމަށް ޕާކިސްތާންގެ ޗީފް އޮފް އާމީ ސްޓާފް ޖެނެރަލް ގަމަރު ޖާވިދު ބަޖްވާ ވިދާޅުވެއްޖެއެވެ.
ވޮޝިންޓަންގައި ހުންނަ ޕާކިސްތާން އެމްބަސީގައި ބޭއްވި މެންދުރުގެ ފަރިއްކޮޅެއްގައި ވާހަކަ ދައްކަވަމުން ބަޖްވާ ވިދާޅުވީ ޕާކިސްތާނުގެ އިގްތިސާދު އަލުން ދިރުވުމަކީ ޕާކިސްތާންގެ ކަމުވޮށިގެންވާ ކޮންމެ ފަރާތަކުން ކުރަން ޖެހޭނެ ކަމެއް ކަމަށެވެ. އަދި ހަރުދަނާ އިގްތިސާދެއް ނެތި އެއްވެސް ގައުމަކަށް އެގައުމުގެ އަމާޒުތައް ހާސިލް ނުކުރެވޭނެ ކަމަށް އޭނާ ވިދާޅުވިއެވެ.
ގަމަރު މިހެން ވިދާޅުވެފައިވަނީ، ޕާކިސްތާނުގެ ސިޔާސީ މަޝްރަޙް ގޯސްވެފައިވާ ދަނޑިވަޅެއްގައެވެ.
އެމެރިކާ ދަތުރުފުޅުގައި ބާޖްވާ ވަނީ ޕެންޓަގަންގައި އެމެރިކާގެ ޑިފެންސް ސެކްރެޓަރީ ލޮއިޑް އޮސްޓިންއާވެސް ބައްދަލުކުރައްވާފައެވެ. ދެބޭފުޅުން ވެސް ވަނީ ދެ ގައުމުގެ މައްސަލަތަކާއި ސަރަހައްދީ މައްސަލަތަކާ ގުޅޭ ގޮތުން މަޝްވަރާކުރައްވާފައެވެ.
ބާޖުވާ އެމެރިކާއަށް ކުރައްވީ ހަފްތާއެއްހައި ދުވަހުގެ ދަތުރުފުޅެކެވެ.
ފާޑެއްގެ މިލިޓަރީއެއް އޮންނަ ތަނެއްް ބަޢާވާތުން ބޮޑު ވަޒީރު ދުރުކުރާ މިލިޓްރީ އެއް އޮންނަ ތަނެއް !