މުޅި ދުނިޔެ ރާއްޖެ ބަލައިގަތީ ރައީސް ޞާލިޙްގެ މޮޅުކަމުން: ނިހާދު
މުޅި ދުނިޔެއިން ރާއްޖެ ބަލައިގަތީ ރައީސް އިބްރާހީމް މުޙައްމަދު ޞާލިޙްގެ ހިކުމަތްތެރިކަމުންކަމަށް ފޭދޫ ދާއިރާގެ މެންބަރު މުޙައްމަދު ނިހާދު ވިދާޅުވެއްޖެއެވެ.
އދ.ގެ ހިއުމަން ރައިޓްސް ކައުންސިލްގައި ރާއްޖެއިން ވާދަކުރި ގޮނޑި ކާމިޔާބުވުމާ ގުޅިގެން ނިހާދު ވިދާޅުވީ މުޅި ދުނިޔެއިން ރާއްޖެ ބަލައިގަތީ ރައީސް އިބްރާހީމް މުޙައްމަދު ޞާލިޙްގެ ޙިކުމަތްތެރިކަމާއި މޮޅުކަމުންކަމަށެވެ.
އދ.ގެ ހިއުމަން ރައިޓްސް ކައުންސިލްގައި ރާއްޖެއިން ވާދަކުރި ގޮނޑި ކާމިޔާބުވީ އދގެ އެކަމަށްޓަކައި ބޭއްވި ސިއްރު ވޯޓުގައެވެ. 189 ޤައުމަކުން މިއިންތިޚާބުގައި ވޯޓުލާފައިވާއިރު، ދިވެހިރާއްޖެއަށް ލިބިފައިވަނީ ޖުމްލަ 154 ވޯޓެވެ.
ހިއުމަން ރައިޓްސް ކައުންސިލްގެ ގޮނޑިތައް ސަރަހައްދީގޮތުން ބަހާފައިވާއިރު، ރާއްޖެއިން ވާދަކުރީ އޭޝިއާ ޕެސިފިކް ގްރޫޕަށް ކަނޑައަޅާފައިވާ 13 ގޮނޑީގެ ތެރެއިން އަންނަ އަހަރަށް ހުސްވާ ހަތަރު ގޮނޑިން އެއް ގޮނޑިއަށެވެ.
ދިވެހިރާއްޖޭގެ އިތުރުން އޭޝިއާ ޕެސިފިކް ސަރަޙައްދަށް ކަނޑައެޅިފައިވާ ގޮނޑިތަކަށް ބަންގްލަދޭޝް، ވިއެޓްނާމް އަދި ކިރިގިސްތާން ވެސް ވަނީ އިންތިޚާބުވެފައެވެ.
އެކަކު އަނެކަކަށް ވަގަށް ގޮވާ މަޖިލިސް !
ނިހާދަށް ތިހާހިސާބަށްއާދެވުނީ ޖާބިރު ހެރެތެރެ ރިސޯޓް ހިންގިދުވަސްވަރު އެރިސޯޓް ހުސްވިލެއްމޮޅުކަމުން.