އަބްދުﷲގެ މަރުގެ މައްސަލަ އިންސާފުވެރިކޮށް ބަލަން ރައީސް އަންގަވައިފި
ފުލުހުންގެ ބެލުމުގެ ދަށުގައި ހުއްޓާ މަރުވި ގދ. ހޯނޑެއްދޫ، ސާވެން، އަބްދުﷲ ރަޝީދު (މާޓީ) ގެ މަރުގެ މައްސަލަ އިންސާފުވެރިކަމާއެކު ބެލުމަށް ރައީސް އިބްރާޙިމް މުހައްމަދު ޞާލިޙް އަންގަވައިފިއެވެ.
ރައީސް އޮފީހުގެ ތަރުޖަމާނު މިއުވާން މުހައްމަދު މިއަދު ވިދާޅުވީ މާޓީ މަރުވި ހާދިސާ ރަނގަޅަށް ތަހުގީގު ކުރުމަށް ހޯމް މިނިސްޓަރު އިމްރާން މާޓީ އަށް ރައީސް އިރުޝާދު ދެއްވާފައިވާ ކަމަށެވެ. އަދި މި މައްސަލާގައި ކަން ހިނގަމުން އަންނަ ގޮތް ރައީސް ޞާލިޙް ގާތުން ބައްލަވަމުން ގެންދަވާ ކަމަށްވެސް މިއުވާން ވިދާޅުވިއެވެ.
ރަޝީދު ނިޔާވެފައިވަނީ ފުލުހުންގެ ބެލުމުގެ ދަށުގައި ހުއްޓާ އޭނާގެ މެއަށް ތަދެއް އަރައި ފިޓް ޖެހުމުގެ ޢަލާމާތްތަކެއް ފެނުމާއި ގުޅިގެން އޭނާ ގދ. މަޑަވެލި ސިއްޙީ މަރުކަޒަށް ގެންދިޔަ މަގުމަތީގައިކަމަށް ފުލުހުން މީގެކުރިން ވިދާޅުވެފައިވެއެވެ.
ނޭޝަނަލް އިންޓަރގްރިޓީ ކޮމިޝަނުން ވަނީ ރަޝީދުގެ ޕޯސްޓްމޯޓަމް ހެދުމަށް ނިންމާފައެވެ. ނަމަވެސް އާއިލާއިން ދަނީ އެކަމާ ދެކޮޅު ހަދަމުންނެވެ.
Ads by STO
