ފޯޅަވެއްސަކީ ރާއްޖޭގެ ފަޅުރަށެއް: ރައީސް ނަޝީދު
"ފޯއްޅަވަހި: ރާއްޖޭގެ ފަޅުރަށެއް" މިނަމުގައި ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ލިޔުމެއް އާންމުކޮށްފިއެވެ.
އެ ލިޔުމުގައި ވިދާޅުވެފައިވަނީ 1700 ގެ އަހަރުތަކުގައި ފޯއްޅަވައްސަށް ގިނަ އަދަދަކަށް އަޅުން ގެންދެވުނު ކަމަށާއި ހަމަ އެ ދުވަސްވަރު ރާއްޖެއަށްވެސް ގިނަ އަދަދަކަށް އަޅުން ގެނެވޭކަމަށް ވިދާޅުވިއެވެ.
އަދި ފޯޅަވައްސަށާއި މާލެއަށްވެސް އަޅުން ގެންނަނީ އެއްތަނަކުން ކަމަށާއި ފަރަންސޭސި ވިލާތާއި އިނގިރޭސި ވިލާތާއި ދެމެދު ހިންގަމުން ގެންދިޔަ ހަނގުރާމަތަކުގައި ކުރި ލިބޭ ގައުމަކަށް ފޯޅަވަހީގެ ސިޔާދަތީ ބާރު ފުރޮޅެމުން ދިޔަ ކަމަށެވެ.
މީގެ އިތުރުން 1965ވަނަ އަހަރު ފޯޅަވަހި ބަލަހައްޓަވަމުން ގެންދެވީ އިނގިރޭސިވިލާތުން ކަމަށާއި އެ ގައުމުގެ ދައުލަތުން ފޯޅަވަހި ދޫކޮށްލެއްވިއިރު އެރަށުގެ ސިޔާދަތީ ބާރު އެންމެ ފުރަތަމަ އެނބުރުނީ އެރަށުގެ އަހުލުވެރިންނަށް ކަމަށް ބުނެފައިވެއެވެ.
އަދި މޮރިޝަސްއަށް ގެންދިޔައީ ފޯޅަވަހީގެ މީހުން ނޫން ކަމަށާއި ފޯއްޅާވަހީގައި ބަޑަހަޖަހައިގެން މަސްވެރިކަން ކުރަމުން އައީ ދިވެހިންް ކަމަށްވެސް ބުނެފައިވެއެވެ.
އެހެންކަމުން ފޯއްޅަވަހިން އިނގިރޭސިން ފައިބާއިރު ޑިއޭގޯ ގާސިއާ އަދި އެހެނިހެން ބައެއް އަތޮޅުތަކުގެ ސިޔާދަތީ ބާރު މޮރިޝަސްއަށް ފުރޮޅުނަސް ފޯއްޅަވަހީގެ ސިޔާދަތީ ބާރު އެންމެ ހައްޤީ ދިވެހިންނަށް ކަމަށް ބުނެފައިވެއެވެ.
ސަޝީދުގެ އެވާހަކަފުޅުގެ ތެދުކަން ތާރީޚުގެ ފަތްފުއްތައް ބަލާދިރާސާކުރުމުން ވަރަށް ރަގަޅަށް ހާމަވާނެ ފޯޅަވަހި މޮރޮސިސްއަށް ދޭންޖެހޭ އެއްވެސް ސަބަބެއް ނެތް
މަލިކަކީ ދިވެހިންގެ ތަނެކޭ ބުނަން ނުކެރުނީ ކީއްވަތަ ކަލޯ އެތާ އެތިބީ ދިވެހި ބަހުން ވާހަކަދައްކާ ދިވެހި އަކުރުން ލިޔެ ދިވެހި ނަމުން ނަން ކިޔާ ހަތަރުމަތިފުށް ދިވެހިން
ވެރިކަމުގަ ހުންނެވިއިރު މިގޮތަށް ދެކިވަޑައިގެން ދިވެހިންނަށް އެރަށްތައް ހޯއްދަވައިދެއްވާން ނޫޅުއްވީ ކީއްވެބާ.
މިހިރަ މަރުމޯލާ! މަލިކުގަ ތިބި ދިވެހިންނާ ހަވާލުވާންވީނު! މޯދީއަށް ގެރިއެއް ދީފަ ނަމަވެސް.