މި ތިބީ ރާއްޖޭގެ ސަރަހައްދު ދިފާޢުކުރަން ކަމަރު ބަނދެގެން: އިމްރާން
މި ތިބީ ރާއްޖޭގެ ސަރަހައްދު ދިފާޢުކުރަން ކަމަރު ބަނދެގެން ކަމަށް ހޯމް މިނިސްޓަރު ޝައިޚް އިމްރާން ޢަބްދުﷲ މިއަދު ވިދާޅުވެއްޖެއެވެ.
ޗާގޯސްއަކީ މޮރިޝަސްގެ ބައެއްގެ ގޮތުގައި ކަނޑައެޅުމަށް އެ ޤައުމުން އދ. ގެ ޢާންމު މަޖިލީހަށް ހުށަހަޅާފައިވާ މައްސަލައިގައި ރާއްޖެއިން މޮރިޝަސްއާ އެއްކޮޅަށް ވޯޓުދިނުމަށް ނިންމާފައިވާ މައްސަލަ ހޫނުވެ ދަނީ ބަހުސްކުރެވެމުންނެވެ.
ނަމަވެސް މިއީ 2019 ގައި ސަރުކާރުން ނިންމި ނިންމުމާ ތަފާތު ނިންމުމެކެވެ. ޗާގޯސްއަކީ މޮރިޝަސްގެ ސަރަހައްދެއްގެ ގޮތުގައި ކަނޑައެޅުމާ ދެކޮޅަށް މިއަދުގެ ސަރުކާރުން އޭރު ވޯޓުދިން މައްސަލައިގައި މަޢާފަށް އެދެންޖެހޭނެ ކަމަށް ޕީޕީއެމްއިން އޭރު ވަނީ ބުނެފައެވެ.
އިމްރާން މިއަދު ކުރެއްވި ޓުވީޓެއްގައި ވަނީ ވިސްނާ ފިކުރު ކުރާ ބަޔަކަށް މި ހިނގާ ބަހުސްގެ ޙަޤީޤަތް އެނގުމަށް މިވަރު ނުފެދޭނެތޯ ސުވާލު ކުރައްވައިފައެވެ. އަދި މި ތިބީ ރާއްޖޭގެ ސަރަހައްދު ދިފާޢުކުރަން ކަމަރު ބަނދެގެން ކަމަށް ވެސް އޭނާ ވިދާޅުވިއެވެ.
ޗާގޯސްއަކީ ރާއްޖޭގެ ބައެއް ކަމުގައި ދެކޭނަމަ އެ ވާހަކަ ދުނިޔެއަށް އަޑުއިވޭ ވަރަށް ދައްކަން އެންމެ އެކަށޭނަ ފުރުސަތު ލިބުނީ 2016 އާއި 2017 ގައި ކަމަށް ވިދާޅުވެ އިމްރާން ދާދިފަހުން ވަނީ ޕީޕީއެމްއަށް ފާޑުވިދާޅުވެފައެވެ. އަދި މިއަދު ވެސް އެ ވާހަކަ ދައްކަވާ ބޭފުޅުން ފުރިހަމަ ހެކި ގެންނެވުމުން އެންމެން އެ ވާހަކަ ދައްކާންވީ ކަމަށް އޭނާ ވަނީ ވިދާޅުވެފައެވެ.
އިސްލާމްދީނާއި އެދީނުގެޙުކުމްތަކަށް ބޯނުލަނބާ ވެރިންނަށް ގައުމަށް ކޮއްދެވޭނީ ކޮންކަމެއްތޯ؟މަގާމުގެ ދަހިވެތި ކަމުގަ މާތްވެގެންވާ އިސްލާމް ދީނާއި އެދީނުގެ ސިޔާސަތު ދިފާޢު ނުކުރެވުނު ބައެއްގެ ކިބައިން އަހަރެމެންނަށް އޮތީ ކޮން އުފަލަކާއި ހިންހަމަޖެހުމެއްތޯ؟