ދެ ބައި-އިލެކްޝަން ވެސް ނެގީ ޕީޕީއެމް އިން
އަދު ބޭއްވި ދެ ބައި އިލެކްޝަން ވެސް އިދިކޮޅު ޕީޕީއެމުން ކާމިޔާބުކޮށްފިއެވެ.
މިއަދު ބައި އިލެކްޝަންތައް ކުރިއަށް ގެންގޮސްފައިވަނީ ނ. މަގޫދޫ ކައުންސިލްގެ އަންހެން މެންބަރު އިންތިޚާބު ކުރުމަށާއި، ލ. ކަލައިދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީއަށް މެމްބަރަކު އިންތިހާބު ކުރުމަށެވެ.
މި ދެ އިންތިހާބުގައިވެސް ވާދަކުރީ ޕީޕީއެމް އާއި އެމްޑީޕީގެ ކެންޑިޑޭޓުންނެވެ.
މަގޫދޫ ކައުންސިލް އިންތިހާބުގެ ގޮނޑި ޕީޕީއެމްގެ ކެންޑިޑޭޓް ޔުމްނާ ކާމިޔާބުކުރީ 124 ވޯޓުންނެވެ. އެމްޑީޕީގެ ކެންޑިޑޭޓް ފަރީދާއަށް ލިބުނީ 115 ވޯޓެވެ.
ކަލައިދޫ އިންތިހާބުގައި ޕީޕީއެމްގެ ކެންޑިޑޭޓް ސަފިއްޔާއަށް ލިބުނީ 197 ވޯޓެވެ. އެމްޑީޕީގެ ކެންޑިޑޭޓް ޚުވައިލަތަށް ލިބިފައިވަނީ 192 ވޯޓެވެ.
މިއަދުގެ އިންތިހާބާއި ގުޅޭގޮތުން ޔޫތު މިނިސްޓަރު އަހުމަދު މަހުލޫފް ވިދާޅުވީ މިއީ އެމްޑީޕީ އަށް ނާކާމިޔާބު ދުވަހެއް ކަމަށެވެ. ނަމަވެސް ދެ ގޮނޑިވެސް ގެއްލުނީ ވަރަށް ކުޑަ ތަފާތަކުން ކަމަށާއި އެމްޑީޕީގެ ކެންޑިޑޭޓުންނާއި ކެމްޕޭން ޓީމުތަކުން ކުރި މަސައްކަތަށް މަހުލޫފް ވަނީ ތައުރީފްކޮށްފަ އެވެ.
Ads by STO
