އެމްޑީޕީގެ ރިޔާސީ ޕްރައިމަރީ އަންނަ އަހަރަށް ފަސްކޮށްފި
ރާއްޖޭގެ އެންމެ ބޮޑު ސިޔާސީ ޕާޓީ އެމްޑީޕީގެ ރިޔާސީ ކެންޑިޑޭޓަކު ކަނޑައަޅަން ބާއްވާ ރިޔާސީ ޕްރައިމަރީ އަންނަ އަހަރަށް ފަސްކޮށްފިއެވެ.
އެމްޑީޕީގެ ޑެޕިއުޓީ ޗެއާޕާސަން އިބްރާހިމް ވަހީދު (އިބުރޭ) ވިދާޅުވީ ޑިސެމްބަރު މަހު ޕްރައިމަރީ ބޭއްވުމަށް ނުފެންނަ ކަމަށް ގިނަ މެމްބަރުން ބުނެފައިވާ ކަމަށާއި ޕްރައިމަރީ ބާއްވާނެ ކަމަށް ލަފާކުރެވެނީ އަންނަ އަހަރުގެ ކުރީކޮޅު ކަމަށެވެ.
ކުރިއަށް އޮތް ރިޔާސީ އިންތިޚާބުގައި އެމްޑީޕީން ވާދަކުރާނެ ކެންޑިޑޭޓެއް އެ ޕާޓީ އިން ނިންމާފައި ނުވި ނަމަވެސް އެ ޕާޓީގެ ޓިކެޓްގައި ރިޔާސީ އިންތިޚާބުގައި ވާދަކުރައްވަން ބޭނުންފުޅުވާކަން ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވަނީ މީގެ ކުރިން ހާމަކުރައްވައިފައެވެ.
މީގެ އިތުރުން ކުރީގެ ރައީސް އަދި މަޖިލީހުގެ ރައީސް މުޙައްމަދު ނަޝީދު ވެސް ރިޔާސީ ޓިކެޓަށް ވާދަކުރައްވާނެކަން ހާމަކުރައްވައިފައެވެ.
ރިޔާސީ އިންތިޚާބުގައި ވާދަކުރާނެކަން އިއުލާންކުރައްވާފައިވާ އިތުރު ބޭފުޅުންގެ ތެރޭގައި ޕީޕީއެމްގެ ރައީސް، ޔާމީން އަބްދުލްޤައްޔޫމާއި، އެމްއެންޕީގެ ރައީސް މުޙައްމަދު ނާޒިމާއި، އެމްޑީއޭގެ ލީޑަރު އަޙުމަދު ސިޔާމް މުޙައްމަދުގެ އިތުރުން، ޑީއާރުޕީގެ ލީޑަރު އަބްދުﷲ ޖާބިރު ހިމެނިވަޑައިގަންނަވައެވެ.
