މަުސާ މަނިކު އެމްޑީޕީ އަށް ސޮއިކުރައްވައިފި
އެމްޑީޕީގެ ކުރީގެ ޗެއަރޕާސަން މޫސާ މަނިކު އެމްޑީޕީއަށް ސޮއިކުރައްވައިފިއެވެ.
އެމްޑީޕީން ރަސްމީކޮށް އެކަން ހާމަކުރައްވަމުން ކުރެއްވި ޓްވީޓެއްގައި ވަނީ ރީކޯ އެމްޑީޕީއާ ގުޅިވަޑައިގަތުމުން އެކަމަށް މަރުހަބާ ވިދާޅުވެފައެވެ.
އެމްޑީޕީއާ ރީކޯ ގުޅިވަޑައިގެން ސޮއި ކުރެއްވި ފޯމު ހަވާލުކުރައްވައިފައި ވަނީ މިހާރު އެމްޑީޕީގެ ޗެއާޕާސަންގެ މަގާމުގައި ހުންނެވި އިކޮނޮމިކް މިނިސްޓަރު ފައްޔާޒު އިސްމާއީލާއެވެ.
ރީކޯ ސޮއިކުރެއްވީ އެމްޑީޕީގެ އިސް ލީޑަރު އަދި ރާއްޖޭގެ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙްގެ ހާޒިރުގައެވެ.
އެމްޑީޕީން އާންމުކޮށްފައިވާ ފޮޓޯގައި ރައީސް ޞާލިޙްގެ އިތުރުން ޑިފެންސް މިނިސްޓަރު މާރިޔާ އަހުމަދު ދީދީ ވެސް ފެނެއެވެ. އަދި ފޮރިން މިނިސްޓަރ ޝާހިދުވެސް ހުންނެވިތައް ފެނެއެވެ.
ރީކޯ މޫސަ އެމްޑީޕީން ވަކިކުރީ 2014 ވަނަ އަހަރުތެރޭ ސުޕްރީމް ކޯޓުގެ ދެ ފަނޑިޔާރަކު ވަކިކުރުމަށް ރައްޔިތުންގެ މަޖިލީހުގައި ނެގި ވޯޓުގައި އެމްޑީޕީގެ ވިޕްލައިނާ ޚިލާފްވި މައްސަލައިގައެވެ.
އެމްޑީޕީން ވަކިކުރުމުން މޫސަ ދެން ގުޅުނީ އޭރު ވެރިކަމުގައި އޮތް ޕީޕީއެމްއާއެވެ.
ދައުލަތުގެ މާލިއްޔަތު ލޫޓުވާ ސިޔާސީ ވަފާތެރި ކެހިވެރި ޗޯރުން !
މިއުޅޭ ސިޔާސީ މީހުންނޭ މިކިޔާ މީހުންނަކީ މުޅިން ހަމަ އެއްބަޔެއް އެއްކުކުޅުގެ ރިހަ ދަަންޑަށް ކުޅެން އަރާފަ ތިއްބަސް ދަޑުން ބޭރުގައި ތިއްބަސް މިއީ ދައުލަތުގެ މާލިއްޔަތު ލޫޓުވާ ސިޔާސީ ވަފާތެރި ކެހިވެރި ޗޯރުން ! ރައްޔުތުންނަށް ދޯކާ !