އަލިފާނުގެ ހާދިސާ ތަޙުޤީޤުކޮށް، ބިދޭސީން އުޅޭ ޙާލަތު ބެލުމަށް ނަޝީދު ގޮވައިލައްވައިފި

މާލޭގައި މ.ނިރުފެހި ގޭގައި، ރޭ ދަންވަރުގެ ވަގުތެއްގައި ހިނގި ނުރައްކާތެރި އަލިފާނުގެ ހާދިސާ ހިނގައިދިޔަ ގޮތް ރަނގަޅަށް ތަޙުޤީޤު ކުރަން ޖެހޭކަމަށް ކުރީގެ ރައީސް އަދި މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.

Ads by STELCO

އިސްކަންދަރު މަގާއި ކޯރުކެނޑި މަގު ގުޅޭ ސަރަހައްދުގައި ހުންނަ އޭސްއެމް ކޫލް ސޮލިއުޝަންސް ކިޔާ ގަރާޖެއްގައި ރޯވެއް ހިނގައިދިޔަ ހާދިސާގައި 10 މީހަކު މަރުވިއެވެ. މިއީ މިހައިތަނަށް ރާއްޖޭގައި ހިނގި އެންމެ ހިތާމަވެރި އަލިފާނުގެ ހާދިސާ ކަމަށް މޯލްޑިވްސް ނެޝަނަލް ޑިފެންސް ފޯސް( އެމްއެންޑީއެފުން) ވަނީ ވިދާޅުވެފައެވެ.

މި ހާދިސާއާ ގުޅިގެން ކުރެއްވި ޓުވީޓްގައި ރައީސް ނަޝީދު ވަނީ ބިދޭސީ މަސައްކަތްތެރިންތަކެއް މަރުވެފައިވާތީ، އިންތިހާއަށް ކަންބޮޑުވެލައްވާކަމަށް ވިދާޅުވެފައެވެ.

ނިޔާވި ބިދޭސީންގެ އާއިލާތަކަށް ތައުޒިޔާ ދަންނަވައި ރައީސް ނަޝީދު ވިދާޅުވީ، އެ ހާދިސާ ހިނގައިދިޔަ ގޮތުގެ ތަހުގީގުތަކެއް އަވަހަށް އަދި ފުރިހަމައަށް ކުރަންޖެހޭކަމަށާއި، ދިވެހިރާއްޖޭގައި ދިރިއުޅެމުންދާ ބިދޭސީ މަސައްކަތްތެރިންގެ ޙާލަތު ދެނެގަތުން މުހިންމު ކަމަށެވެ.

Appalled to hear the news that 10 expat workers have died in a fire in Male. My deepest condolences to the family and friends of those who perished. There must be a swift and thorough investigation into what happened, & the living conditions of expat labour in Maldives.

— Mohamed Nasheed (@MohamedNasheed) November 10, 2022

ރޭ އަލިފާނުގެ ހާދިސާ ހިނގި އިމާރާތުގައި 40އާ ގާތް ކުރާ އަދަދަކަށް ބިދޭސީން ދިރިއުޅެމުން ދިޔައިރު، އެމީހުން އުޅެމުން ދިޔައީ ވަކި ބިސީ ހަދައިގެން، ކޮންމެ އެނދެއްގެ ކައިރީގައި ކަހަލަ ގޮތަކަށް ގޭސް ފުޅިއެއްވެސް ބަހައްޓައިގެން ކަމަށް އެނގިފައިވެއެވެ.