ނަޝީދުގެ އިތުބާރު ނެތް ކަމުގެ މައްސަލަ: ރައީސް ވިދާޅުވީ އިހަށް މަޑުޖައްސާލަން!
ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތްކަމުގެ މައްސަލަ ހުށަހަޅަން ރައީސް އިބްރާހިމް މުޙައްމަދު ޞާލިޙް ބޭނުންފުޅު ނުވާ ކަމަށް މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
ޝަރީފް ވިދާޅުވީ އެ މައްސަލަ ހައްލު ކުރުމުގެ މަސައްކަތް ރައީސް ޞާލިޙް ކުރައްވަމުން ގެންދަވާ ކަމަށެވެ. އަދި ޕާޓީގެ އެތެރޭގެ މަސްލަހަތަށްޓަކައި އެ މައްސަލަ އަދި ބޭއްވުމަށް ރައީސް ޞާލިޙް ދަންނަވާފައިވާ ކަމަށް ޝަރީފް ވިދާޅުވިއެވެ. ރައީސް ވަނީ، އެ މަަސައްކަތް މިވަގުތަށް މަޑުޖައްސާލުމަށް އިރުޝާދު ދެއްވާފައެވެ.
ރައްޔިތުންގެ މަޖިލީހުގެ ރައީސް, މުހައްމަދު ނަޝީދު ރިޔާސަތުގައި އިންނަވައިގެން ޓެކްސް ބޮޑުކުރާ ބިލަށް ވޯޓަށް ނާހާ މިއަދުވެސް ރައްޔިތުންގެ މަޖިލީހުގެ ޖަލްސާ ނިންމާލުމުން, އެ މަނިކުފާނުގެ ޝަކުވާ ހިފައިގެން މަޖިލީހުގެ ބައެއް މެންބަރުން ވަނީ ރައީސް ޞާލިޙްގެ އަރިހަށް ވަޑައިގެންފައެވެ.
އަދި ރައީސް ނަޝީދު މަގާމުން ވަކިކުރުމަށާއި މަޖިލީހުގެ ގަވާއިދު އިސްލާހު ކުރުމަށް ބައެއް މެންބަރުން ވަނީ ހުށަހެޅުއްވާފައެވެ.
މި މައްސަލައާ ގުޅިގެން އެމްޑީޕީ ޕާލިމަންޓްރީ ގްރޫޕްގެ ލީޑަރު މުހައްމަދު އަސްލަމް މިއަދު ވިދާޅުވީ ނަޝީދަކީ ޕާޓީގެ ރައީސަށް ވީތީ ހުރިހާ މެންބަރުން ވެސް އިހްތިރާމް ކުރައްވާ ކަމަށެވެ. އެހެންނަމަވެސް މަޖިލިހުގެ ގަވައިދުން ވެސް އަދި މަޖިލިހުގައި އަމަލުކުރާ އުސޫލުތަކާ ހިލާފަށް ރައީސް ނަޝީދު އަމަލުކުރައްވަމުބް ގެންދަވާ ކަމަށާއި މިކަމާ ގިނަ މެމްބަރުން ކަންބޮޑުވުންފާޅު ކުރައްވާ ކަމަށް އަސްލަމް ވިދާޅުވިއެވެ.
އަންނަ 2023 އަހަރުގެ ދައުލަތުގެ ބަޖެޓް ހަމަޖެއްސުމަށް އެންމެ މުހިންމު ބިލަކީ ޓެކްސް ބޮޑުކުރުމުގެ ބިލެވެ. އަންނަ ޖެނުއަރީން ފެށިގެން ޖީއެސްޓީ 6 ޕަސެންޓުން 8 ޕަސެންޓަށް، އަދި ޓީޖީއެސްޓީ 12 ޕަސެންޓުން 16 ޕަސެންޓަށް ބޮޑުކުރަން ސަރުކާރުން ވަނީ ނިންމައިފައެވެ.
ގޮޅީގައިވެސް ސޭލް ގޮންޑީގައިވެދް ސޭލް ނީލަން ފިހާރައިގަ ސޭލް ބިގް ބާޒާރުގައިވެސް ސޭލް !