މިއަށްވުރެ ތާކުންތާކު ނުޖެހޭ ވެރިކަމެއް ނުފެނޭ: ޖަމީލު
މިއަށްވުރެ ތާކުންތާކު ނުޖެހޭ ވެރިކަމެއް ފެނިވަޑައިގެންފައި ނުވާ ކަމަށް ކުރީގެ ނައިބު ރައީސް ޑރ.މުޙައްމަދު ޖަމީލު އަޙުމަދު ވިދާޅުވެއްޖެއެވެ.
ސަރުކާރަށް ހަތަރު އަހަރު ފުރުމާ ގުޅިގެން، މިއަދު ކުރެއްވި ޓްވީޓެއްގައި ޖަމީލު ވިދާޅުވެފައިވަނީ މިއީ "ފާސިޤު" ހަތަރު އަހަރު ކަމަށެވެ. އެގޮތަށް އޭނާ ދެކެވަޑައިގަންނަވާ ސަބަބުތައްވެސް ޖަމީލު ހިއްސާ ކުރެއްވިއެވެ.
ސަލާމަތީ ރައްކާތެރިކަން ސުމެއް ކަމަށާއި، ޤައުމުގެ ސަރަހައްދާ ބިންވެސް ވިއްކާލައިފި ކަމަށް ޖަމީލު ވިދާޅުވިއެވެ. ޖަމީލު އިތުރަށް ވިދާޅުވީ ސަރުކާރުގެ ކޮރަޕްޝަން މެދު އުޑުގައި ޖެހިފައިވާއިރު، ޑިމޮކްރަސީވެސް އޮތީ ނޭވާ ހޮޅީގައި ކަަމަށެވެ. ދީނަށް ބިރު ބޮޑުވެ، މުންކަރާތްތައްވެސް އާންމުވެފައިވާ ކަމަށް އޭނާ ވިދާޅުވިއެވެ.
ސަރުކާރުގެ ހަތަރު އަހަރާ ގުޅޭގޮތުން، ޖުމްހޫރީ ދުވަހުގެ ޖަލްސާގައި ރައީސް އިބްރާހީމް މުޙައްމަދު ޞާލިޙު ވިދާޅުވެފައިވަނީ ދިވެހި ރައްޔިތުންގެ އުންމީދުތައް ހާސިލުކޮށްދިނުމުގައި، އެއްވެސް ރައްޔިތަކު ތަފާތުނުކުރާނެ ކަމުގެ ޔަޤީންކަން އެ މަނިކުފާނު އަރުވާފައިވާނެ ކަަމަށާއި، އެކަން އެގޮތަށް ކޮށްދެވިއްޖެ ކަމަށް ޤަބޫލު ކުރައްވާ ކަމަށެވެ.
އެ މަނިކުފާނު ވިދާޅުވީ މީގެ ހަތަރު އަަހަރު ކުރިން ޤައުމުގައި އޮތީ ހާސްކަމާއި ކަންބޮޑުވުމާއި، ނުތަނަވަސްކަމާއި ބިރުވެރިކަން ކަމުގައެވެ. ސަބަބަކީ، ޤާނޫނުއަސާސީން ކަށަވަރުކޮށްދީފައިވާ ޙައްޤުތަކާއި މިނިވަންކަން ލިބިދިނުމުގައި، ކަށަވަރުކަމެއް ނެތުމާއި، އެއްބަސްނުވާ ކޮންމެ މީހަކު ވެފައިވަނީ، ކުރީ ސަރުކާރުގެ ހަތުރަކަށް ކަމަށްވެސް ވިދާޅުވިއެވެ.
ލޮލަށް ބޭސް ކުރަންފެނޭ. ތިޖަމީލު އަހަރެމެންނަށް އޮޅުވާލައިގެން ފައިސާގެ ދަހިވެތިކަމުގަ މިސަރުކާރު ގެންނަން ފެލި އެރުވީވެސް. ތިޖަމީލަށް ކަމުނުދާނެ ސުވަރުގެ ވެސް. ކޮންމެސް ގޮތަކުން ފަސާދަ ކުރެވޭތޯ ބަލާނެ. ނައިބު ރައީސް ކަމުގެ ހުވަފެން ބެލުން ހުއްްޓާލަ.