ކުޑަކުއްޖަކަށް ޖިންސީ ގޯނާކުރި މީހަަަކަށް 10 އަހަރުގެ ޖަލު ޙުކުމެއް
ކުޑަކުއްޖަކަށް ޖިންސީ ގޯނާކުރި މީހަކަށް ކްރިމިނަލް ކޯޓުން 10 އަހަރުގެ ޖަލު ޙުކުމެއް އިއްވަވައިފިއެވެ.
10 އަހަރުގެ ޖަލު ޙުކުމެއް އިއްވަވާފައިވަނީ މާލެ އަތޮޅަށް ނިސްބަތްވާ މުޙައްމަދު ޝައިބާންގެ ކިޔާ މީހެއްގެ މައްޗަށެވެ.
އޭނާއަށް މި ޙުކުމް އިއްވެވީ 2020 ވަނަ އަހަރު 18 އަހަރުން ދަށުގެ އަންހެން ކުއްޖާ ދިރިއުޅޭ ގޯތި ތެރޭގައި ވަކިން ހަދާފައި ހުންނަ ތިން ކޮޓަރީގެ ތެރެއިން ކޮޓަރިއަކަށް ކުއްޖާ ގެންގޮސް ޖިންސީ ގޯނާކުރި މައްސަލައިގައެވެ.
ނަމަވެސް އޭނާ މިހާރު ތަންފީޒުކުރަންޖެހޭ ޖަލު އަދަބަކީ ހަތް އަހަރާއި ހަތަރު މަސް ދުވަހުގެ ޖަލު އަދަބެކެވެ.
މި މައްސަލައިގައި އޭނާގެ ''އައިފޯން 8 ޕްލަސް'' އެނަލައިޒް ކުރިއިރު އެ ފޯނުން އޮރިޔާން މަންޒަރު ދައްކައިދޭ ފޮޓޯއާއި ވީޑިއޯ ފައިލް ފެނިފައިވާތީ އޭނާގެ މައްޗަށް އޮރިޔާންކާޑު ގެންގުޅުމުގެ ކުށުގެ ދަޢުވާ އުފުލިއިރު އެ ދަޢުވާއަށް އިއްވެވީ އެއް މަހާއި ހަ ދުވަހުގެ ޖަލު ޙުކުމެކެވެ.
