ރާއްޖެއަށް ޑްރަގް އެތެރެކުުރުން: ޝަރީޢަތަށް ފިލައިިގެން އުޅޭ މީހަކު ހޯދަނީ
ރާއްޖެއަށް މަސްތުވާތަކެތި އެތެރެކުރުމުގެ މައްސަލައަކާ ގުޅިގެން ބަންދުގައި ބަހައްޓައިގެން ކޯޓަށް ހާޒިިރުކުރުމަށް މީހަކު ހޯދަން ފަށައިފިއެވެ.
ފުލުހުން މިއަދު ވިދާޅުވީ ބ.ކަމަދޫ، ސުވާސާގެ، މުޙައްމަދު ރާފިލް ރިޔާޟް (24އ) ހޯދަމުންދާ ކަމަށާއިި އޭނާ ހޯދަމުންދަނީ ބަންދުގައި ބަހައްޓައިގެން އޭނާ ކޯޓަށް ހާޒިރު ކޮށްދިނުމަށް ކްރިމިނަލް ކޯޓުން ފުލުހުންގެ މައްޗަށް ކުރައްވާފައިވާ އަމުރަކާ ގުޅިގެން ކަމުގައެވެ.
ރިޔާޟް ހޯދަމުންދަނީ ދައުލަތުން އޭނާގެ މައްޗަށް އުފުލާފައިވާ ޖަދުވަލު އެކެއްގައިވާ މަސްތުވާއެއްޗެއް ރާއްޖެއަށް އެތެރެކުރުމުގެ ކުށުގެ ދަޢުވާއާ ގުޅިގެންނެވެ. މި ދަޢުވާގެ އަޑުއެހުމެއް ފުރަތަމަ ތާވަލުކުރީ މި އަހަރުގެ މާޗު މަހުގެ 15 ވަނަ ދުވަހަށެވެ.
ރާފިލް ކޯޓަށް ހާޒިރުކުރަން ބޭނުންވެ ހާޒިރުކުރެވިފައިނުވާތީ ކްރިމިނަލް ކޯޓުން ފުލުހުންގެ މައްޗަށް ޢަމުރުކުރެއްވީ އޭނާ ބަންދުގައި ބަހައްޓައިގެން މި މަހުގެ ހަތްވަނަ ދުވަހުގެ 10:00 އަށް ހާޒިރުކޮށްދިނުމަށެވެ.
ފުލުހުން ވަނީ ރާފިލްއާ ބެހޭއެއްވެސްމައުލޫމާތެއް ލިބިފައިވާ ފަރާތެއްވާނަމަ ޕޮލިސް ކަސްޓޯޑިއަލް ޑިޕާޓްމަންޓްގެ ނަންބަރު 9991442 އަށް ގުޅުއްވައި ހިއްސާކުރެއްވުމަށް އެދިލައްވައިފައެވެ.
