ގިނަ ރައްޔިތުން ގަބޫލުކުރަނީ މީ ވަރަށް ކޮރަޕްޓް ސަރުކާރެއްކަމަށް: އުޝާާމް
ގިނަ ރައްޔިތުން ޤަބޫލުކުރަނީ މިއީ ވަރަށް ކޮރަޕްޓް ސަރުކާރެއް ކަމަށް ވިލިމާާލޭ ދާއިރާގެ މެންބަރު އަޙްމަދު އުޝާމް ވިދާޅުވެއްޖެއެވެ.
އުޝާމް މިހެން ވިދާޅުވީ މި އަހަރުގެ ބައިނަލްއަޤްވާމީ އެންޓި-ކޮރަޕްޝަން ދުވަހުގެ މުނާސަބަތުގައި ރައީސުލްޖުމްހުރިއްޔާ އިބްރާހީމް މުޙައްމަދު ޞާލިޙް ފޮނުއްވި ޚިޠާބުގައި ދެއްކެވި ވާހަކަފުޅާ ގުޅިގެންނެވެ.
ރައީސް އިއްޔެ ވިދާޅުވީ ދައުލަތް ހިންގުމުގެ ނިޒާމުގެ ތެރޭގައި ކޮރަޕްޝަންގެ ކިތަންމެ ކުޑަ ޢަމަލެއް ހިންގާކަށް ''އަޅުގަނޑުމެން ނުރުހޭ'' ކަމަށެވެ.
މިވާހަކަފުޅާ ގުޅިގެން، އުޝާމް ކުރެއްވި ޓުވީޓެއްގައި ވަނީ މި ސަރުކާރުގެ ކެބިނެޓާއި ކުންފުނިތަކުގެ އެންމެ އިސް މަގާމުތަކުގައި ކޮރަޕްޝަންގެ ތުހުމަތުކުރެވޭ ބޭފުޅުން ތިއްބެވިކަން ފާހަގަކުރައްވައިފައެވެ. އަދި އެ މައްސަލަތައް ނުބެލޭއިރު ގިނަ ރައްޔިތުން ގަބޫލުކުރަނީ މީ ވަރަށް ކޮރަޕްޓް ސަރުކާރެއް ކަމަށް ވެސް އޭނާ ވިދާޅުވިއެވެ.
އެހެންވެގެންތޯ ކޮރަޕްޝަންގެ ދައުވާލިބޭ ފަރާތްތަކާ ކޮރަޕްޝަންގެ ބޮޑެތި ތުހުމަތުތަކުގަ ތަޙްޤީޤުކުރެވޭ ފަރާތްތައް މި ސަރުކާރުގެ ކެބިނެޓާއި ކުންފުނިތަކުގެ އެންމެ އިސް މަގާމުތަކުގައި އެހާ ގިނައީ؟ ދިވެހި ގިނަ ރައްޔިތުން މިއަދު ގަބޫލުކުރަނީ މި ސަރުކާރަކީ ވަރަށް ކޮރަޕްޓް ސަރުކާރެއްކަމަށް.
އުޝާމް މިހެން ވިދާޅުވިއިރު އެމްއެމްޕީއާރްސީގެ ޚިޔާނާތުގެ މައްސަލައިގައި ޔޫތު މިނިސްޓަރު އަޙްމަދު މަހްލޫފަށް ވަނީ ދަޢުވާ އުފުލައިފައެވެ. އަދި ޓްރާންސްޕޯޓް މިނިސްޓަރު ޢާއިޝަތު ނަހުލާއަށް ތުހުމަތުކުރެވޭ ކޮރަޕްޝަންގެ މައްސަލައެއް އެންޓި ކޮރަޕްޝަން ކޮމިޝަނުން ގެންދަވަނީ ބައްލަވަމުންނެވެ.
Ads by STO
