އެއެއް މިއެއް ނުބައްލަވައި ކަންކަން ކުރައްވަން އުޅުއްވުމުން މިއޮތީ ބޮއްސުންލާފައި: ޙަސަން
އެއެއް މިއެއް ނުބައްލަވައި ކަންކަން ކުރައްވަން އުޅުއްވުމުގެ ސަބަބުން ބޮއްސުންލާފައިވާކަމަށް ވިދާޅުވެ އެމްޑީޕީގެ ކުރީގެ ޗެއާޕާސަން ޙަސަން ލަޠީފް ސަރުކާރަށް ފާޑުވިދާޅުވެއްޖެއެވެ.
ހެންވޭރު ހުޅަނގު ދާއިރާގެ މެންބަރު ޙަސަން ލަޠީފް މިހެން ވިދާޅުވީ 2018 ވަނަ އަހަރުގެ ރިޔާސީ އިންތިޚާބުގައި ރައީސް އިބްރާހިމް މުޙައްމަދު ޞާލިޙް މަސްވެރިން ބާނާ މަހަށް ހަމަ އަގު ހޯއްދަވައިދެއްވާނެކަމަށް ވަޢުދުވެވަޑައިގެން ވާހަކަފުޅު ދައްކަވާ މަންޒަރު ފެންނަ ވީޑިއޯއެއް ހިއްސާކޮށް ޢާންމު ރައްޔިތަކު ކުރި ޓުވީޓަކާ ގުޅިގެންނެވެ.
ފަރެސްމާތޮޑާގެ ޖަގަހައެއްގައި ހުންނަވައި ވާހަކަފުޅު ދައްކަވަމުން ރައީސް އޭރު ވިދާޅުވީ މަސްވެރިން ބާނާ މަަހަށް ހަމަ އަގު ނުލިބުމުގެ ޝަކުވާ އެބައޮތް ކަމަށެވެ. އެހެންކަމުން އެމްޑީޕީ ސަރުކާރެއްގައި ހަމަ އަގު ހޯއްދަވައިދެއްވާނެ ކަމަށް ވަޢުދުވެވަޑައިގަތެވެ.
އެކަމާ ގުޅިގެން ޙަސަން ލަޠީފް ވިދާޅުވީ އެމްޑީޕީގެ މަސްވެރިކަމުގެ ސިޔާސަތުތައް ދޫކޮށްލައްވައި އެއެއް މިއެއް ނުބައްލަވައި ކަންކަން ކުރައްވަން އުޅުއްވުމުގެ ސަބަބުން ބޮއްސުންލާފައިވާ ކަމަށެވެ.
މަސްވެރިކަމުގެ ސިޔާސަތުތައް ދޫކޮށްލައްވައި އެތަނުން އެތިކޮޅެއް އަނެއް ތަނުން ތަންކޮޅެއް ނަންގަވައިގެން އެއެއް މިއެއް ނުބައްލަވައި ކަންކަން ހައްލުކުރައްވަން އުޅުއްވީމަ ފަސް އަހަރު ހަމަވާން ދާއިރު މި އޮތީ ބޮއްސުންލާފައި.
އެމްޑީޕީން ވެރިކަމަށް އަންނަން ވީ އެންމެ ބޮޑު އެއް ވަޢުދަކީ މަސްވެރިން ބާނާ މަހަށް ހަމަ އަގު ހޯދައިދިނުމެވެ. އޭގެއިތުރުން މާކަނޑުގައި ކަންނެލި ޖަގަހަތައް ގާއިމުކުރުމާއި ގޭދޮށު މަސް ފެކްޓްރީތައް ގާއިމުކުރުމަކީ ޖަޒީރާ މެނިފެސްޓޯގައި ވެފައިވާ ވަޢުދުތަކެވެ.
ހަސަނާ ނަސީދުގެ 3 އަހަރުގެ ވެރިކަންވެސް ދިޔައީހަމަ ތިޔަހެން.