ވަޒީރަކަސް، އާންމު ފަރުދަކަސް ގާނޫނަށް ތަބާވާން ޖެހޭ: އާޒިމް
ރާއްޖޭގެ ވަޒީރަކަސް، ނޫންނަމަ އާންމު ފަރުދަކަސް ޤާނޫނުތަކުގައި ބުނާ ކަންކަން ކުރަން ޖެހޭނެ ކަމަށް މެދު ހެންވޭރު ދާއިރާގެ މަޖިލިސް މެންބަރު އަދި އެމްޑީޕީގެ ޕާލިމެންޓްރީ ގްރޫޕްގެ ލީޑަރު އަލީ އާޒިމް ވިދާޅުވެއްޖެއެވެ.
މިދިޔަ ޖުލައި މަހުގެ ދެވަނަ ދުވަހު ބޭއްވި ފުޓްބޯލް އެސޯސިއޭޝަން އޮފް މޯލްޑިވްސް(އެފްއޭއެމް) ގެ އިންތިޚާބު ހުއްޓުވަން މަޖިލީހުން އެންގެމުން އެކަން އެގޮތަށް ނުކުރުމުން އެމްއޭއެމްއާ ދޭތެރޭ ފިޔަވަޅު އެޅުމަށް ރައްޔިތުންގެ މަޖިލީހުގެ އިޖުތިމާޢީ ކޮމިޓީން އަށް އާޒިމް ވަނީ މައްސަލަ ހުށަހަޅާފައެވެ.
އަދި ޔޫތު މިނިސްޓަރު އަޙްމަދު މަޙްލޫފް ރައްޔިތުންގެ މަޖިލީހަށް ހާޒިރު ކުރި ޖަލްސާއެއްގައި މަހްލޫފް ވަނީ އެފްއޭއެމްގެ އިންތިޚާބު ހުއްޓުވުމަކީ ޤާނޫނީ ގޮތުން ކުރެވޭނެ ކަމެއް ނޫން ކަމަށާއި، އެކަން ރައްޔިތުންގެ މަޖިލީހުގެ މެންބަރުންނަށް ވަރަށް ރަނގަޅަށް އެނގިހުރެ އޭނާ ލައްވާ ވަރަށް ހަޑިކަންތައްތަކެއް ކުރައްވަން މަސައްކަތް ކުރައްވާ ކަމަށް ވިދާޅުވެފައެވެ.
އެ ވާހަކަތަކަށް ރައްދު ދެއްވަމުން އާޒިމް ކުރެއްވި ވިދާޅުވީ ޤާނޫނުތަކަށް ތަބާވާން ޖެހޭނީ އާންމު ފަރުދުން އެކަނި ނޫން ކަމަށާއި ވަޒީރަކަސް، ނޫން ނަމަ އާންމު ފަރުދަކަސް ޤާނޫނުތަކުގައި ބުނާ ކަންކަން ކުރަން ޖެހޭނެ ކަމަށެވެ.
"އަޅުގަނޑު ކުރަން ބުނި ދެވަނަ ހުތުރު ކަމަކީ މިއީބާ." ޖުލައި މަހުގެ ހަވަނަ ދުވަހު މަޙްލޫފަށް ފޮނުއްވާފައިވާ ސިޓީއެއް ޓްވީޓް ކުރައްވާ އާޒިމް ވިދާޅުވިއެވެ.
