މޫސަ ވިދާޅުވަނީ ހަރުގެ ޖަލްސާތައް ފަށަން އުޅޭތީ ހީބިހި ނަގާނެ ކަމެއް ނެތް ކަމަށް

ވެރިކަން ކުރާ މައި ޕާޓީ، އެމްޑީޕީގެ ހަރުގެ ޖަލްސާތައް ފަށާ ވާހަކަ ބުނުމުން، އެކަމާ ހީކަރުވައި، ހީބިހި ނަގާމެ ކަމެއް ނެތް ކަމަށް އެ ޕާޓީގެ ކުރީގެ ޗެއާޕާސަން މޫސާ މަނިކު ވިދާޅުވެއްޖެއެވެ.

Ads by Hajj Corporation

މޫސަ ކުރެއްވި ޓްވީޓެއްގައި ވިދާޅުވެފައިވަނީ ހަރުގެ ޖަލްސާތައް ފަށަން އުޅޭތީ ހީބިހިވެސް ނަގާނެ ކަމެއް ނެތް ކަަމަށާއި، ހީބިހި ނެގިޔަސް، އެކަން ކުރާނެ ކަމަށެވެ.

"ހަރަކާތަށް ނުކުމެދާނެތީ، ހީކަރުވާނެ ކަމެއް ނެތް." އެމްޑީޕީގެ މަގުމަތީ ހަރަކާތްތަކުގެ އެންމެ ކުރީ ސަފުން ފެނުނު މޫސަ ވިސާޅުވިއެވެ.

އެމްޑީޕީގެ ހަރުގެ ޖަލްސާތައް އަލުން ފެށުމަށް ތައްޔާރުވަމުންދާއިރު ރައީސް އިބްރާހިމް މުޙައްމަދު ޞާލިޙާއި، އެމްޑީޕީގެ ރައީސް މުޙައްމަދު ނަޝީދާ ދެމެދު ނުތަނަވަސްކަން އުފެދި، އެމްޑީޕީ މިހާރު އޮތީ ދެ ފެކްޝަނަކަށް ބެހިފައެވެ.

އަންނަ މަހުގެ 28 ވަނަ ދުވަހު އެމްޑީޕީގެ ރިޔާސީ ޕްރައިމަރީ ބޭއްވެވުމަށް ނިންމަވައިފައިވާއިރު، ދެ ރައީސުންވެސް ޕްރައިމަރީގައި ވާދަކުރައްވައިފާނެ ކަމަށް ބެލެވެއެވެ.

ރައީސް ޞާލިޙަށް ތާއީދުކުރައްވާ އެމްޑީޕީގެ މަޖިލިސް މެމްބަރުންނާއި ސަރުކާރުގެ މިނިސްޓަރުންގެ އިތުރުން އާންމު މެމްބަރުން ބުނާ ގޮތުގައި ރައީސަށް ދެވަނަ ދައުރެއް ދޭން ޖެހޭ ކަމަށް ވިދާޅުވަމުން އަންނައިރު، އެމަނިކުފާނު ދެވަނަ ދައުރަކަށް ވާދަކުރައްވާނެކަން އިއުލާންކުރެއްވީ މި އަހަރުގެ މެއި މަހުގެ ތެރޭގައެވެ.