ވެރިކަން ކުރާ މައި ޕާޓީ، އެމްޑީޕީން މެމްބަރުން ވަކި ކުރަނީ ވަކިވާން އެދުމުން ނޫނީ އިލެކްޝަންސް ކޮމިޝަނުން އެންގުމުން ކަމަށް އެމްޑީޕީފެ ޗެއާޕާސަންގެ ނައިބު އިބްރާހިމް ވަހީދު (އިބުރޭ) ވިދާޅުވެއްޖެއެވެ.
“މިހާރު” ނޫހަށް ދިން އިންޓަވިއުއެއްގައި އިބުރޭ ވިދާޅުވީ އެމްޑީޕީން އެއްވެސް މެމްބަރަކު އަމިއްލަ އަށް އެދިގެން ނުވަތަ އެހެން ޕާޓީއަކަށް ސޮއިކޮށްގެން އީސީން އެކަން އެންގުމުން ނޫން ގޮތަކަށް މިހާރު ޕާޓީން ވަކި ނުކުރާނެ ކަމަށެވެ.
އިބުރޭ މިފަދައިން ވިދާޅުވީ އެމްޑީޕީގެ ޗެއަރޕާސަން ފައްޔާޒް އިސްމާއީލަށް އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދު ފޮނުއްވި ސިޓީއަކާ ގުޅިގެންނެވެ.
އެ ސިޓީގައި ރައީސް ނަޝީދު ވިދާޅުވީ، ޕާޓީއިން ސާޅީހާސް މީހުން، އެ މީހުންނަށް އެނގުމަކާ ނުލާ ކުއްލިއަކަށް ވަކިކޮށްފައިވާ ކަމަށެވެ. އަދި އެކަން އެހެން އޮއްވައި ޕްރައިމެރީ ކުރިޔަށް ގެންދެވުމުން އެ ޕްރައިމެރީއަކީ މިނިވަން އަދި އިންސާފުވެރި އިންތިހާބަކަށް ވާނޭކަމަކަށް ޤަބޫލުނުކުރައްވާ ކަމަށް ރައީސް ނަޝީދު ވިދާޅުވިއެވެ.