ރައީސް ޞާލިޙަށް ދެވަނަ ދައުރެއް ހޯދައިދިނުމަށް ކަނޑުފަޅު ފީނަން ޖެހުނަސް އެކަން ކުރާނަން: ރީކޯ
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙަށް ދެވަނަ ދައުރެއް ހޯދައިދިނުމަށް “ކަނޑުފަޅު ފީނަން ޖެހުނަސް” އެކަން ކުރައްވާނެ ކަމަށް އެމްޑީޕީގެ ކުރީގެ ޗެއަރޕާސަން ރީކޯ މޫސާ މަނިކު ވިދާޅުވެއްޖެއެވެ.
މޫސަ މިފަދައިން ވިދާޅުވީ އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމަށްޓަކައި ރައީސް އިބްރާހީމް މުހައްމަދު ޞާލިޙްގެ ކެމްޕޭން ޖަގަހަ ހަރަކާތް ފެށުމުގެ ގޮތުން ރޭ ބޭއްވި ޖަލްސާގައި ވާހަކަދައްކަވަމުންނެވެ.
މޫސަ ވިދާޅުވީ ބޮޑު ތަފާތަކުން ރައީސް ޞާލިޙް ޕްރައިމަރީ ކާމިޔާބު ކުރައްވާނެ ކަމަށާއި 2023ގެ ރިޔާސީ އިންތިހާބު ވެސް އެމަނިކުފާނު ކާމިޔާބު ކުރައްވާނެ ކަމަށެވެ. އަދި އެމްޑީޕީގެ މަސައްކަތެއް އޭނާ ފަށައިފިނަމަ އެކަން ކޮޅެއްގައި ޖެހެންދެން މަސައްކަތް ކުރައްވާނެ ކަމަށް މޫސަ ވިދާޅުވިއެވެ.
މީގެ އިތުރުން 2013 ވަނަ އަހަރު ރައީސް ނާޝީދަށް ވެރިކަން ހޯއްދަވައިދެއްވުމަށް ވަރަށް ބޮޑެތި މަސައްކަތްކޮށްފައިވާ ކަމަށާއި ޗެއަރޕާސަން ކަމުގެ މަގާމުގައި ހުންނަވައިގެން ދަތުރު ނުކުރައްވާ އެއްވެސް ރަށެއް ނުހުންނާނެ ކަމަައް މޫސަ ވިދާޅުވިއެވެ.
“މިއަދު މިހިރީ ހަމަ އެ ރޫހުގަ. ރައީސް ޞާލިޙް ދެވަނަ ދައުރެއް ހޯދައިދިނުމަށް ކަނޑުފަޅު ފީނައިގެން އެކަން ކުރަން ޖެހުނަސް އަޅުގަނޑުމެން ކުރާނަން. އެއީ މި ޕާޓީއަށްޓަކާ” މޫސަ ވިދާޅުވިއެވެ.
ސިޔާސީ ވަފާތެރި ކެހިވެރިން މުޅިންވެސް އެއްބަޔެއް ދަޑުމަތީގައި ތިއްބަސް ދަޑުބޭރުގައި ތިއްބަސް މިމީހުންގެ ހުރިހާވެސް ފިކުރަކީ ދައުލަތުގެ މާލިއްޔަތު ލޫޓުވުން !
މިހާރު ވެސް ރިސޯޓު ކުލި މައާފު ލިބިގަނެގެން ހުރެ މާލިއްޔަތު އެ ފެލަނީ. ދެންވެސް އެކަމުގެ ދަހިވެތިކަމުގަ ކަނޑު ފީނަން އެ އުޅެނީ. ފެލާލައިފި!!!