ރައީސް ތަފާސް ހިސާބުން ވިދާޅުވެ ދެއްވީ، މަޝްރޫޢުތަކުގެ އެންމެ ފަހުގެ މަޢުލޫމާތު
ދިވެހިރާއްޖެއަށް އަލުން އަނބުރާ ހަމަޖެހުން ގެނެވިއްޖެ ކަމުުގެ އިޙްސާސް ކުރެވޭ ކަމަށް ވިދާޅުވެ، މި ސަރުކާރުން މިހައިތަނަށް ހިންގި މުހިންމު މަޝްރޫއުތަކުގެ މައުލޫމާތު، ރައީސް އިބްރާހީމް މުޙައްމަދު ޞާލިޙު ހިއްސާ ކުރައްވައިފިއެވެ.
ރައީސް އޮފީހުގައި މިހާރު ކުރިއަށްދާ ނޫސްވެރިންގެ ބައްދަލުވުމުގައި ރައީސް ވިދާޅުވީ ރައްޔިތުން މި ސަރުކާރު އިންތިޚާބު ކުރިތާ ހަަތަރު އަހަރު ފުރުނުއިރު، ސަރުކާރުން ވީ ވައުދުތައް ފުއްދުމުގައި ގިނަ މަސައްކަތްތަކެއް ކުރެވިއްޖެ ކަމަށެވެ.
"އަސާސީ ޚިދުމަތްތައް ފޯރުކޮށްދިނުމުގެ މަސައްކަތް ދަނީ، މިހާރުވެސް ބާރަށް ކުރިއަށް. ސާފު ބޯފެނާ ނަރުދަމާ އެންމެންނަށް ފޯރުކޮށްދިނުމުގެ 141 މަޝްރޫއުއެއް މިހާރުވެސް ކުރިއަށް އެބަދޭ. ކަރަންޓުގެ ޔަޤީންކަން އެންމެންނަށް މިހާރު ވަނީ ފޯރުކޮށްދެވިފައި." ހަ މަސް ދުވަސް ފަހުން، ނޫސްވެރިންނާ މިއަދު ބައްދަލު ކުރައްވައި ރައީސް ވިދާޅުވިއެވެ.
ރައީސް އިތުރަށް ވިދާޅުވީ ރާއްޖޭގެ 144 ރަށެއްގައި 313 ޖަނަރޭޓަރުވެސް އަލަށް ބެހެއްޓިފައިވާ ކަމަށެވެ. އަދި އިންޖީނުގެތައް އިމާރާތް ކުރުމުގެ 76 މަޝްރޫއުއެއް މިހާރުވެސް ކުރިއަށްދާ ކަމަށް އެމަނިކުފާނު ވިދާޅުވިއެެވެ.
ލަފާ ފުރުމުގެ ދަތިކަން ހައްލު ކުރުމަށް 47 ރަށުގެ ބަނދަރު ނިންމައި، 36 ރަށެއްގެ ބަނދަރުގެ މަސައްކަތް ކުރިއަށްދާކަން އެމަނިކުފާނު ވަނީ ފާހަގަކުރައްވާފައެވެ.
"31 ރަށެއްގެ މަގު ހެދުމުގެ މަސައްކަތް އެބަ ކުރިއަށްދޭ. ހަތް ރަށެއްގެ ބިން އިތުރުކޮށް، އަށް ރަށެއްގެ ބިން ހިއްކުމުގެ ޢަމަލީ މަސައްކަތް މިހާރުވެސް ކުރިއަށް އެބަދޭ."
ރައީސް ޞާލިޙު އިތުރަށް ވިދާޅުވީ ސިއްޙީ ދާއިރާގެ 31 މަޝްރޫޢުއެއް ނިންމިފައިވާ ކަމަށާއި، ރަށްރަށުގެ އަތޮޅު ހޮސްޕިޓަލުތަކާ ޓާޝަރީ ހޮސްޕިޓަލުތައް ތަރައްޤީ ކުރުމުގެ މަސައްކަތްތައްވެސް، މި މަޝްރޫޢުތަކުގެ ތެރޭގައި ހިމެނޭ ކަމަށެވެ.
އަދި މުޅި ރާއްޖެ ދަތުރުފަތުރުގެ ނިޒާމުން ގުޅުވައިލުމުގެ މަސައްކަތް ހަލުވި މިނުގައި ކުރިއަށްދާއިރު، މިހައިތަަނަށް، ލައްކައަކަށްވުރެ ގިނަ މީހުންނަށް މި ޙިދުމަތްތައް ލިބިފައިވާ ކަމަށް ރައީސް ވިދާޅުވިއެވެ.
ޢެމްޑީޕީ އިދިކޮޅުގަ ނެތިއްޔާ ރާއްޖެ އޮންނާނީ ހަމަޖެހިފަ އެބައިގަނޑު ވއތިކަމައިގެން މޮޔަވާ ބައެއް ވެތިކަމުގަ އެހެން ބަޔަކު ތިބި ނަމަ ހަމަޖެހުމެއް ނޯންނާނެ